Ior ka vea nengen vidio shi a ungwan kwagh u i lu ôron la yô, kwagh la a hemba kôron ve ken ishima. Kwagh ne ngu a na ve ver ishima shi ve kôr kwagh u ve nenge la ve saa a mi. Yehova ver se ikyav i hemban doon cii i tesen ior kwagh a akaa a vea fatyô u nengen a mi sha ashe yô.—Aer 10:9-16; Mp 1:1.

Vidio i Aôndo Ngu a Iti Jee? man i Ka An Nan Lu Orngeren Bibilo? kua i Se Er Nan Ve Se Fa Ser Akaa a I Nger Ken Bibilo la Ka a Mimi? la, ka kwagh gen u i seer sha iaven i sha 2 man u sha 3 i antakerada u Loho u Dedoo la yô. Vidio i Doo u Ú Hen Bibilo sha ci u Nyi? man i Ka i Hen Bibilo a Or Nena? man i Ka Nyi Í Eren hen Iyou i Tartor? la, ka i taver ior asema u henen Bibilo shin van mbamkombo mba tiônnongo. Uvidio asev mbagenev mba ve lihi mbara kpa se fatyô u tesen ior mba se henen Bibilo a ve yô.—km 5/13 3.

• Danlood vidio i u soo u za tesen orya la tsuaa

• Wa iyol sha mpin môm shin uhar nahan mba vidio la i na mlumun sha mi yô

• Nenge vidio la vea or shon

• Lam nen sha atôakaa a vesen a ken vidio shon

• Tese nan ikyav i scan code i i lu ken ijime i ma trak wase la, sha er nana fatyô u nengen vidio i Doo u Ú Hen Bibilo sha ci u Nyi? la yô.

• Tese or vidio i Se Er Nan Ve Se Fa Ser Akaa a I Nger Ken Bibilo la Ka a Mimi? la, maa na nan antakerada u Loho u Dedoo la, lam sha iaven i sha 3 la