Cii man se tsua akaa a vesen shin a kiriki yô, ka se vande pinen ayol a ase ser, ‘Yehova una hen ér nyi?’ kpa? Er i lu u se fatyô u kaven ishima i Yehova vindi vindi ga nahan kpa, a pase akaa kpishi ken Mkaanem nam ma ma a na se lu agoyol sha ci u “hanma tom u dedoo” la. (2Ti 3:16, 17; Ro 11:33, 34) Yesu yange kav ishima i Yehova wang shi i lu un kwagh u hiihii ken uma. (Yoh 4:34) Yô, se nôngo sha afatyô wase cii se tsuan akaa a a lu sha ishima i Yehova yô.—Yoh 8:28, 29; Ef 5:15-17.

NENGE VIDIO I ZA HEMEN U KAVEN ER ISHIMA I YEHOVA I LU YÔ (LE 19:18) LA, MAA NA MLUMUN SHA MBAMPIN MBA VE DONDO NE:

• Gba kpee u se dondon akaawan a Bibilo ken uma wase sha ci u nyi?

• Ka akaawan a Bibilo a nyi nahan i gbe u se umbur shighe u se lu tsuan ityogholough mbi se ungwa laa?

• Ka akaawan a Bibilo a nyi nahan i gbe u se umbur shighe u se lu tsuan ikyondo i se hua man hwe u se er laa?

• Ka sha igbenda igen i nyi kpa i gbe u se dondon akaawan a Bibilo ken uma wase?

• Se fatyô u seer kaven er ishima i Yehova i lu la nena?