Sha hiihii u Yehova na Mose tom la, Mose hen er una fatyô u eren u ga. (Ek 4:10, 13) I lu nahan imba kwagh la er u vee? U ngu henen Bibilo vea Mbashiada mba Yehova? U henen wer a tsa kpa u fatyô u duen kwaghpasen u sha uya uya la gaa? Shin alaghga u ngu gumor shin gumkwase u ka i cier we iyol u pasen kwagh ken makeranta yô. Shin alaghga ka i cier we iyol u duen kwaghpasen u ken igbar gayô pasen kwagh sha telefon. Sôn Yehova a na u icighan jijingi na. (1Pe 4:11) Lu a vangertiôr wer Yehova una wase u u er nyityô tom u a ne u cii.—Ek 4:11, 12.

NENGE VIDIO I TAVER ISHIMA . . . ORPASENKWAGH LA, MAA NA MLUMUN SHA MBAMPIN MBA VE DONDO NE:

• Ka mtaver u nyi Aoyama yange tagher a mini?

• Ka nyi yange i wase un u tilen dông shi taver ishima?—Yer 20:7-9

• Yange zua a mtsera sha u seer eren Yehova tom nena?

• Ka mbamtaver mba ken kwaghpasen mba nyi nahan, Yehova una fatyô u wasen we u hemban ve?