Yange i gber antakerada u Ka Unô Ve Eren Ishima i Yehova Nyiana? la, sha er shighe u se ze u henen kwagh a mba se henen Bibilo a ve la yô, se hii sha mi shin shighe u se hen kwagh a ve se bee yô, se kure kwaghhenen la a mi yô. * Ityough ki sha 1 zan zan 4 la, ki a wase mbahenen Bibilo u fan kwagh wase; ityough ki sha 5 zan zan 14 la di ki a wase ve u fan kwagh u tom wase; ki sha 15 zan zan 28 di ki a wase ve u fan er nongo wase u eren kwagh yô. Hemba doon u a henen takerada ne sha adondo a adondo, saa di i ôr kwagh ken ityough ki gen u i sar orhenen Bibilo la u fan ave ave yô. Hanma ityough yô, ki peeji môm tseegh, sha nahan yô, u fatyô u henen ki a or ken miniti utaan shin pue nahan tseegh.

• Pine nan mpin u a lu itinekwagh i ityough ki shon la

• Ôr nen ityough ki shon imôngo, ne fatyô u ôron ki kwa môm za duen, shin ôron avegher avegher

• Lam nen sha kwagh u ne ôr la. Pine nan mbampin mba ve lu shin ityô i ngeren shon la kua ufoto kpaa. Ôr nen avur a Bibilo a u nenge wer doo u ne ôr la shi lam nen sha mi. Pase er ngeren mba ve hembe ilen la, ve ne mlumun sha mpin u i pin sha ityough ki ngeren shon la yô

• Aluer ityough ki ne ôr la ki a ngeren u “Seer Fan” yô, ôr nen ngeren shon imôngo shi taver orhenen Bibilo la ishima nana dondo mhen u i dugh a mi la