ER I HII VE I LU HANGE HANGE YÔ: Mba ve pir ashe kpishi, mba soon u lamen a ior mba ve fe ve ga la ze. Sha nahan yô, ka i gba u se er kwagh sha kwaghfan ve se fatyô u pasen ve kwagh ye. Kwagh u mbaapirashe doo Yehova ishima shi we ve ikyo. (Le 19:14) Se fatyô u dondon ikyav la, sha u tôôn shighe wasen mbaapirashe ve hen kwagh u Yehova.

ER SE ER KWAGH NE YÔ:

• “Ker” Mbaapirashe. (Mt 10:11) U fa or u anmgbian u nan nan pir ashe yôô? Haregh wou ngu a imakeranta shin iyaav mbi nengen sha ior shin iyaav mbigen, mbi a soo ér i za na ityakerada i i gber sha ci u mbaapirashe her yôô?

• Tese wer kwagh ve gba u ishima. Aluer u ngu sar sar shi u tese wer kwagh u ma orapirashe gba u ishima yô, kwagh ne una wase a kera cie nan iyol a we ga. Nôngo hii iliam a or sha itinekwagh i i hembe doon ior hen haregh wou yô

• Wase Ve Ve Fa Yehova. Nongo u Yehova gber ityakerada sha igbenda kposo kposo sha ci u wasen mbaapirashe. Pine orya nana ôr u gbenda u nan hembe soon u henen kwagh yô. Ortamen u nengen sha tomshiren la a nenge ér diakon u nengen sha ityakerada la nan pine ityakerada i i gber sha gbenda u ma orapirashe nan soo ér i va na nan la