Hanma inyom yô, ka se nôngo kpoghuloo se lôhô ior mba hen haregh wase ser ve va umbur ku u Yesu vea vese imôngo. Ve kpishi ka i lu ior mba se fe ve ga yô. Shi gba u se lôhôn ior mba se fe ve la kpaa. Ashighe kpishi, ka sea na ior mba se fe ve la kwatakerada u lôhôn ve Ku Umbur u Yesu la yô, ve nôngo ve va. (yb08-E 11 ¶3; 14 ¶1) Ka unô ior nahan, u fatyô u lôhôn ve?

• Mba hen tsombor wou

• Mba u eren tom ijiir i môm vea ve shin u ze makeranta môm vea ve la

• Mbawanndor a we

• Mba ka u hide u za sôr ve la, kua mba yange u henen Bibilo a ve man mba u henen Bibilo a ve hegen la cii

Heela tseegh ga, mbatamen vea fatyô u lôhôn mba ve vôr ken jijingi la. Kpa aluer or u u fe nan la nan ngu hen ijiir you ga di ye? U fatyô u fan shighe man ijiir i a lu umbur ku u Yesu hen ape nan lu la, sha u zan sha peeji u ka a hii bughun sha jw.org la, maa kighir ape i nger ér KWAGH WASE la, maa shi kighir ape i nger ér “M-umbur” la. U nguren wan agoyol sha Ku Umbur u Yesu ken inyom ne yô, hen sha kwagh u ior mba u fatyô u lôhôn ve la, maa na ve kwatakerada u lôhôn ve la.