Davidi yange suur sha Yehova nahan hemba Goliati. (1Sa 17:45) Yehova soo u tesen agee a na sha ci u ior nav cii. (2Kr 16:9) Se suur sha iwasen i Yehova a kera lu sha mfe wase man agee ase ga nena? Se dondo igbenda ityar ne:

• Eren msen hanma shighe. Shighe u u er kwagh u shami ga yô sôn Yehova a de u a kwagh shon, shi sôn un a na u agee shighe u u tagher a imeen yô. (Mt 6:12, 13) Sôn Yehova a wase u shi a na u kwaghfan cii ve u tsua kwagh u u er ye, de tsuan kwagh u u er cii ve u sôn Yehova iveren sha mi ga.—Yak 1:5

• Ver shighe u ôron shi henen Bibilo. Ôron Bibilo hanma iyange. (Ps 1:2) Henen sha kwagh u ior mba i ôr kwagh ve ken Bibilo la shi dondo akaa a u hen ken a ve la. (Yak 1:23-25) De suur sha mfe u u vande lun a mi la ga, waan iyol man u duen kwaghpasen ye. Aluer u ngu vanden wan iyol sha mbamkombo mba tiônnongo yô u hemba zuan a iwasen ker

• Eren kwagh ken mzough vea nongo u Yehova: Nôngon u fan gbenda u he u nongo u Yehova u gema eren kwagh yô, shi dondon u fese. (Nu 9:17) Ungwan kwagh u mbatamen ve ôr yô shi dondon kwaghwan ve kpaa.—Heb 13:17

NENGE VIDIO I ITYÔKYAA NGI I SE CIA TÔVACAN GA LA, MAA NA MLUMUN SHA MBAMPIN MBA VE DONDO NE:

• Ka mciem ma nyi anmgbianev mba nomso man mba kasev mban yange ve lu a mi?

• Ka nyi yange i wase ve u wan ishima?