Ka mba ve lu a aeren a wang la tseegh vea ya ijende a Yehova kôôsôô ye. (1Pe 1:14-16) Shighe u mbahenen Bibilo ve de aeren a wang ga la yô, ka ve hemban vihin inyaregh sha inja shi i kpe ve iyol kua tsombor ve cii.

Pase atindi a Yehova a we sha kwagh u aeren a wang la, man ityôkyaa i i ne ve a we a, kua mbamtsera mba se dondo atindi shon ve se zua a mi yô. Wase mba u henen Bibilo a ve la ve gema gbenda u ve henen kwagh la, nahan vea gema eren kwagh er Yehova a soo yô. (Ef 4:22-24) Wase ve ve fa ér, sha iwasen i Yehova yô vea fatyô u den aeren a bo a a we amise ken a ve la. (Fil 4:13) Tese ve wer, shighe u i kende ve ken ishima u eren isholibo yô, ve er msen hen Yehova. Wase ve, ve fa akaa a aa na vea hingir u za eren isholibo la man gbenda u vea fatyô u palegh a yô. Taver ve ishima u eren akaa a aa wase ve yô, i de lu a aa tuur ve u za eren isholibo la ga. Yehova ka una wase mba se henen Bibilo a ve la vea de aeren a ve a tse la nahan i doo se kpen kpen.

NENGE VIDIO I WASE MBA U HENEN BIBILO A VE LA VE̱ DE AEREN A WANG GA LA, MAA NA LUMUN SHA MBAMPIN MBA VE DONDO NE:

• Mbatamen kua Neeta ve tese er ve ne jighjigh ér Jade una fatyô u den aeren a na a wang ga la nena?

• Neeta seer wasen Jade nena?

• Jade ker iwasen hen Yehova nena?