Se mba a uvidio unyiin mba se eren tom a mi ken kwaghpasen mba ve tese er ka se hen Bibilo a or yô. I er uvidio mban sha ci u nyi?

• I er vidio i Doo u Ú Hen Bibilo sha Ci u Nyi?—I Lihen ne u wasen ior ve lu a isharen i henen Bibilo aluer ka nyi kwaghaôndo ve ze je kpaa. I taver mbahenen Bibilo ishima u keren mlumun sha mbampin mba vesen mba ior ve pin la, shi i tese er u fatyô u zuan a mbamlumun mba shon yô. Shi i tese er u fatyô u pinen wer i va hen Bibilo a we kpaa.

• Vidio i Doo u Ú Hen Bibilo sha Ci u Nyi? (i tiônôô) la i kaha vea igen la kpishi ga, kpa igen la i hemba lihen. Alaghga ia hemba doon u eren tom a mi hen uharegh mba ior ve fe lun a shighe ga yô.

• I er vidio i Ka i Hen Bibilo a Or Nena? la u wasen ior ve lu a isharen i henen Bibilo, shi i na mlumun sha mbampin mba ior ve pin la. Shi i tese gbenda u or a fatyô u pinen ér i va hen Bibilo a nan la kpaa.

• I er vidio i Doo Se Kpishi Er U Soo u Henen Bibilo Yô la sha er a tesen mbahenen Bibilo yô. Vidio ne ngi sha peeji u sha uhar u takeda u Lu Uma Gbem! la, nahan kpa u fatyô u tesen or shighe u ne lu henen antakeda u Lu Uma Gbem! la kpaa. Vidio ne i sav akaa a a lu ken takeda ne man kwagh u orhenen Bibilo nana hen yô.

Jighilii yô, i er uvidio mban cii sha ityôkyaa, nahan kpa u fatyô u tesen or hanmô cii shin tindin ior a mi shighe u i gbe sha mi yô. Ka taver mbapasenkwagh ishima ér ve nenge uvidio mban sha er vea er tom a mi sha inja ken kwaghpasen yô.