LU A IEREN I ORKRISTU
“Kura Ishima You”
Yehova yange mgbegha Solomon nger wener: “Hemba kuran ishima you a akaa a u kor a cii.” (Anz 4:23) Kpa kwagh er vihi yô, Mbaiserael mba ve lu ior mba Aôndo la de u zenden sha ishigh ki Yehova a “ishima i môm.” (2Kr 6:14) Tor Solomon kpa yange de kasev nav mba ve civir Yehova ga la gema un ishima, a dondo mbaaôndo mbagenev. (1Ut 11:4) U kura ishima you nena? Yange i lam sha itinekwagh ne ken Iyoukura i Janawari 2019, peeji 14-19.
NENGE VIDIO I AKAA A SE HEN KEN IYOUKURA YÔ—KURA ISHIMA YOU LA, MAA NA MLUMUN SHA MBAMPIN MBA VE DONDO NE:
Ka nyi yange ma i na jighjigh u anmgbianev mban ma ndôhôr, man ngeren u timen sha mi ne yange wase ve u kuran ishima ve nena?
-
Brent man Lauren
-
Umjay
-
Happy Layou
Ngeren u timen sha mi ne wase u nena?
