Kwagh môm kpa ne mbamaren mba ve lu Mbakristu la msaanyol ka hembe shighe u wan ve nan ‘nyiman iyol i nan, nan tôô kon-mtsaha nan dondo sha’ Yesu la ga. (Mr 8:34, NW; 3Yoh 4) Mbamaren vea fatyô u eren nyi sha u wan mbayev vev agoyol u dondon sha Yesu, shi tseghan ayolave sha ci u Yehova shi eren batisema? Ka akaa a nyi nahan, mbayev vea lu eren ve a tese ér ve kuma u a er ve batisema u a lu kwagh u hange hange laa?

Ôr ngeren u a lu a itinekwagh ér, “Hen Mbamaren mba Ve Lu Mbakristu Yô” la, u a lu sha peeji 4-5, ken antakerada u ‘Za, Za Gema Nen Ior Ve Hingir Mbahenen, Eren Nen Ve Batisema’ la, maa time sha mbampin mba ve dondo ne:

1. Inja i orhenen yô ér nyi?

2. Ka nyi i gbe u mbamaren vea tese mbayev veve?

3. Er anyom mbayev a lu la, gba u vea lu dondon kwagh u i nger ken avur a ruamabera a a dondo ne vough vough cii ve vea kuma u a er ve batisema nena?

   • Kol 3:20

   • Lu 2:46

   • Ps 122:1

   • Mt 4:4

   • Mt 6:33

   • 1Kor 15:33