Er se lu uumace mba se yen yô, a gba u hanma shighe cii se kighir asaren a ase. Aluer hanma kwagh u a sar se cii se soo u eren yô, alaghga a kera doo Yehova a vese ga. Ikyav i tesen yô, kwagh u ya man ikyondo kua kwaghyan doo mbagenev je hemba Yehova. Mbagenev di isharen i yaven a or la ka ia kende ve yô, mba kera we tindi u Aôndo ikyo ga. (Ro 1:26, 27) Shi mbagenev ka ve er kwagh u shami ga sha u i doo ior shin ior ve lumun a ve yô.—Ek 23:2.

Se kighir asaren a ase nena? Gba u se nôngo kpoghuloo sha er akaa a ken jijingi aa hemba gba se ishima yô. (Mt 4:4) Kwagh ugen yô, se sôn Yehova a wase se, se kighir asaren a ase. Sha ci u nyi? Sha ci u a fa kwagh u a hembe doon sha ci wase yô, shi ne se akaa a a sar se la.—Ps 145:16.

NENGE VIDIO I TAAV UNA PANDE U AYANGE LA, MAA NA MLUMUN SHA MBAMPIN MBA VE DONDO NE:

• Er nan ve ior mbagen ve me taava?

• Ka nyi taav u man una fatyô u eren we?

• Er nan ve taav u man i lu kwagh u shami ga?—2Ko 7:1

• U er nena ve u venda taav u man shin u de u man un kuaa?