Anmgbianev asev doo se ishima, nahan ka se ver ishima ser vea er kwagh sha inja. (1Ko 13:4, 7) Ikyav i tesen yô, aluer anmgbian nan er isholibo man i tsaha nan yô, ka se ver ishima ser nana lumun tsaha la nana hide sha gbenda. Ka se wa ishima a mbara mba jighjigh ve a taver ga la, shi se nôngo u wasen ve. (Ro 15:1) Or ka nana undu tiônnongo kpa, se mba kuren ikyaa ser kwagh u nan bee ga, ka se ver ishima ser iyange igen nana hide.—Lu 15:17, 18.

NENGE VIDIO I UMBUR ER DOOSHIMA A EREN KWAGH YÔ—LUUN A ISHIMAVERENKEGHEN SHA AKAA CII LA, MAA NA MLUMUN SHA MBAMPIN MBA VE DONDO NE:

• Yange gba u Abiner una gema eren Davidi tom a kera lu Saulu ga sha ci u nyi?

• Mnenge u Davidi yange kaha a u Yoabi sha kwagh u Abiner ôr a Davidi la nena?

• Er nan ve i doo u se lu a ishimaveren ser anmgbianev asev vea er kwagh sha inja?