Er mkur u tar ne a zurum ne, se fa ser ayôôso man tswam kua ityav mbi a lu seer a seer. (Mp 6:4) Se wa ago iyol sha akaa a se va tagher a mi ken hemen la nena?

• Taver jighjigh u nan wou: Fa akaawan a Bibilo man akaa a mba civir Yehova mba jighjigh mba i er kwagh ve ken Bibilo a aa taver jighjigh u u ne Yehova kua nongo na la, shi aa wase u u lun paleghaa a tar yô. (Anz 12:5; jr-E 125-126 ¶23-24) Ka shighe u se hemba yan ijende a anmgbianev mba ken tiônnongo kôôsôô je ne.—1Pe 4:7, 8

• Wa iyol sha akaa a hange hange: Koso kwaghyan shi wa iyol sha inja i a va gba sha mi ga kpa u mem zende yô. Kwagh ugen yô, wa iyol sha er a va gba u u undu ijiir you gagher kpa, u fatyô u moughon yô. Lu a kwagh u cirin sha ahenga man u wan sha ave kua inyaregh ken ikpa you i moughon zende abur abur la, kua akaa agen kpaa. Shighe u kwagh a lu nahan yô, nôngo mbatamen ve fa kwagh wou.—Yes 32:2; g17-E.5 3-7

Shighe u zayol a lu kpa, za hemen u eren akaa a ken jijingi. (Fil 1:10) De zenden wue wue ga saa a gba hange hange u u er nahan. (Mt 10:16) U fatyô u panden kwaghyan man akaa agen nan mbagenev.—Ro 12:13.

NENGE VIDIO I U WA AGO IYOL SHA AAHE KPA? LA, MAA NA MLUMUN SHA MBAMPIN MBA VE DONDO NE:

• Yehova una wase se shighe u aahe a er la nena?

• Ka nyi akaa nahan se er sha u wan ago iyolo?

• Se wase mbagenev mba aahe a er ve la nena?