Yesu yange una tesen ior yô, a teren akaa a a sember eren yô. (Lu 13:1-5) Shighe u u lu pasen kwagh yô, we kpa u fatyô u teren akaa a a sember eren la, sha er u kende isharen i ior nahan vea ungwa loho u Tartor yô. Shighe u u ôr kwagh u mtaver u inyar shin ma aahe gayô ayôôso, shin mcimbim ma ior ve lu man sha u garen ityough kua ambaakaa la nahan yô, pine nan mpin u una wase nan u henen sha kwagh yô. U fatyô u pinen nan wer: “U nenge wer shighe ngu van u . . . una bee kpa?” shin “U nenge wer ka an nana fatyô u been a zayol u . . . ?” Maa ôr nan ivur Bibilo i i zough sha kwagh u u ôr la. Aluer nan soo u fan seer yô, tese nan ma vidio shin ma kwagh ken Akaa a Se Eren Tom a Mi u Tesen Ior Mimi Yô la. Er se lu nôngon ser se tese ior mba hen haregh wase i kôr ve ken ishima yô, doo u se “eren akaa cii sha ci u loho u dedoo.”—1Ko 9:22, 23.

Ka nyi akaa nahan ior mba hen ijiir you ka ve hemba soon ér i lam a ve sha mi?