LU A IEREN I ORKRISTU
Kura lyol You sha Kwagh u Mbavendan Mimi
Satan kua mba a hemen ve la ka ve ôr akaa ve nungwa aie, sha u vea na iyol i kpe se yô. (2Ko 11:3) Ikyav i tesen yô, Mbaashiria yange ve ôr akaa ve nungwa aie shi ve ôr akaa a aiegh jighilii sha u iyol i kpe ior mba Yehova yô. (2Kr 32:10-15) Mbavendan mimi kpa ka kwagh ve eren nyian je la. Ka nyi i gbe u se er sha ityesen i mbavendan mimi la nena? Nenge ityesen ve la er ka icigh ki bogh nahan! De ôron ngeren ve ga, shi de ngeren kwagh tindin ve a mi, shin kimbir ma kwagh u ve ôr ga. Lu tsevaa sha u fan ma kwagh u ve ôr sha u nan ér se ta akpelan sha kwagh u Yehova man nongo na yô, nahan venda kwagh shon!—Yu 3, 4.
NENGE VIDIO I ‘NÔNGO KPOGHULOO LU A JIGHJIGH U NAN’!—VIDIO I TIÔNÔÔ LA, MAA NA MLUMUN SHA MBAMPIN MBA VE DONDO NE:
-
Er nan ve i doo u se lu tsevaa shighe u se lu eren akaa sha Intanet la?
-
Se dondo kwaghwan u ken Mbaroma 16:17 la nena?
