LU A IEREN I ORKRISTU
Nengen Iyol You Er Yehova a Nengen We La
“Doo TER a ior Nav.” (Ps 149:4) Er se yina nahan kpa, Yehova nengen a aeren ase a dedoo kua akaa a se we ishima u eren la. Alaghga ashighe agen a taver se u nengen a aeren ase a dedoo la. Shin alaghga gbenda u mbagen ve er kwagh a vese la ua na a lu se er se gba kwagh ga nahan. Shi aluer se hemba veren ishima sha akaa a yange se er shami ga la yô, alaghga se hii u henen ser shin se doo Yehova ishima je-o? Ka nyi ia wase se shighe u i lu se ken ishima nahana?
Umbur wer, Yehova ka a nenge a kwagh u uumace vea fatyô u nengen a mi ga yô. (1Sa 16:7) Inja na yô ka a nenge a kwagh u dedoo ken a vese u se nenge a mi ga la. Se wuese kpishi er Bibilo i wase se u fan er Yehova a nengen se la yô. Se seer kaven kwagh ne sha u ôron avur a Bibilo man kwagh u ior mba i er kwagh ve ken Bibilo la, man er akav a ve la a tese wang ér se doo Yehova ishima yô.
NENGE VIDIO I ISHIMA YOU I LU GBAR GBAR SHA ISHIGH KI YEHOVA LA, MAA NA MLUMUN SHA MBAMPIN MBA VE DONDO NE:
-
Ikyav i wan u gban ayem vea ter na la i tese er Yehova a nengen se la nena?
-
Or u nan er isholibo i vesen kpa nan nôngo kpoghuloo u sôron mlu u nan vea Yehova yô, nana er nena ve ishima i nan ia lu gbar gbar sha ishigh Nagh?—1Yh 3:19, 20
-
Anmgbian la ôr kwagh u Davidi man u Yehoshafati shi hen sha mi nahan wase un nena?
