Ka ican ga u agumaior henen ér vea tsa a bee iyol ga; shi henen kpaa ér mayange vea tagher a “ayange a bo” aa ve a iyolbeen ken tar u Satan ne ga. (Orpa 12:1) Aluer u ngu gumor yô, ka u nenge wer u ngu a shighe gôgônan u ú er akaa a ken jijingi er u eren tom u pasen kwagh hanma shighe la nahanaa?

“Aikor mba ve sha gbenda” wase cii kua agumaior kpaa. (Orpa 9:11) ‘Ne fa er kper uma wen una lu ga.’ (Yak 4:14) Sha nahan yô, de we a wa ahô u eren akaa a ken jijingi zan zan ga. Nyôr hen “hunda u vesen man u ageegh” u ú bugh shin u lu ivegher sha ci wou her la. (1Kor 16:9) Mayange je u vaa afanyô sha kwagh ne ga.

• Pasen kwagh ken zwa ugen

• Eren tom pania

• Zan imakeranta i nongo u Yehova

• Eren tom u maan kwagh

• Za eren tom shin Betel

• Eren tom u sôron atôônanongo