Ieren i kwase u injaa ka i na nom u nan a lu a icivir. Sha ayange a Tor Lemuel la, or a lu a kwase u injaa yô, “i fa [nan] hen ihinda i gar.” (Anz 31:23) Nyian ne, ior mba i ne ve icivir yô, mba mbatamen, mbagen di mba udiakon. Mbatamen man udiakon mban ka vea lu a kasev yô, saa kasev vev mbara vea lu a ieren i dedoo shi vea suen ve tsembelee ve vea kôrcio u eren tom ve ye. (1Ti 3:4, 11) Amba a ukase la nga a gba noov vev kwagh tsung, shi a doo tiônnongo ishima.

• lamen a nom u nan kundu kundu sha er ishima ia taver nan yô.—Anz 31:26

• ivin iyol sha nom u nan ga, kpa den ér nana lu a ian i eren akaa sha ci u tiônnongo.—1Tes 2:7, 8

• kwagh kuman nan.—1Ti 6:8

• palegh u pinen nom u nan akaamyer a tiônnongo.—1Ti 2:11, 12; 1Pe 4:15