PASEN KWAGH SHA GBASHIMA | SEER ZUAN A MSAANYOL KEN TOM U PASEN KWAGH
Tese mba U Henen Bibilo a Ve la Ve̱ Fa u Henen Kwagh sha Tseeneke Ve
Aluer se soo u wasen mba se henen Bibilo a ve la u fan Yehova shi lun Mbakristu mba ve vie ken jijingi yô, a gba u se tese ve a hemba mimi u se tesen ve la. (Mt 5:3; Heb 5:12–6:2) Gba keng u vea fa u henen kwagh sha tseeneke ve.
Sha hiihii la je, tese mba u henen Bibilo a ve la er vea waan iyol sha kwaghhenen yô, shi taver ve ishima u eren nahan. (mwb18.03 6) Taver ve ishima u eren msen hanma shighe u ve lu henen kwagh sha tseeneke ve cii. Wase ve ve fa u eren tom a akaa a sha kômputa man tableeti man hanseeti la zum u ve lu henen kwagh sha tseeneke ve yô. Tese ve ve fa er vea zua a akaa a i sember duen a mi sha jw.org man sha Ityôgh ki Televishen ki Mbashiada mba Yehova yô. Tese ve kure kure, ve ôron Bibilo hanma iyange shi ve waan iyol sha mbamkombo mba tiônnongo shi ve fa u keren mbamlumun sha akaa a a tsum ve la kpaa. Wase ve ve fa u gbidyen kwar sha kwagh u ve lu henen la.
NENGE VIDIO I WASE MBA U HENEN BIBILO A VE LA VE̱ FA U HENEN KWAGH SHA TSEENEKE VE LA, MAA NA MLUMUN SHA MBAMPIN MBA VE DONDO NE:
-
Neeta tese Jade er u henen kwagh sha tseeneke na la i hembe di u keren mlumun sha mbampin la nena?
-
Ka nyi i wase Jade u kaven er kwagh u Yehova a vende idya i eren la i lu sha inja je?
-
Tese mba u henen Bibilo a ve la er vea fa u henen akaa a hange hange shi eren tom a mi kpaa yô
Ka nyi Jade a va mase kaven sha kwagh u gbidyen kwar sha kwagh laa?
