Mbamkombo mba duen kwaghpasen ka gbenda ugen u Yehova a ne se u wasen se u tesen ayol a ase dooshima man aeren a dedoo vough er mbamkombo mba tiônnongo nahan. (Heb 10:24, 25) Gba u a eren mkombo ne miniti utaan shin utaankaruhar nahan tseegh. Ka ken shighe shon ka i na ior sha anniongov kposo kposo shi i tese ijiir i i gbe u vea za pase kwagh la shi i er msen ye. (Aluer i er mkombo ugen cii ve i lu eren mkombo u duen kwaghpasen yô, i hemba eren un tiônôô cii.) Or u nan lu hemen mkombo shon la nana vande wan iyol sha kwaghwan u una wase mba ve lu duen kwaghpasen sha iyange la yô. Ikyav i tesen yô, aluer mba ve lu duen kwaghpasen sha iyange i sati la yange ve fatyô u duen kwaghpasen sati u a kar la ga yô, a hemba doon u lamen sha gbenda u a za hii iliam a or yô. Ka akaa agen a nyi kpa i doo u a lam sha mi?

• Ikyav i tesen er a lam a or yô i ken Uma Wase u Mbakristu man Tom Wase—Antakerada u Mkombo la

• Er u hii iliam a or sha ma kwagh u a er, shin sha ma kwagh u i ôr sha abaver yô

• Er u lam a or u nan ne ityôkyaa i ior ve hembe kôron ave sha mi u vendan loho wase yô

• Er u lam a or u nan ne jighjigh ér Aôndo ngu ga man u nan ne jighjigh ér akaa gba duen tsô man or u nan lamen zwa ugen shin or u nan ze ma kwaghaôndo u i fe un hen ijiir you ga yô.

• Er u er tom a ijiir yase i sha Intanet i jw.org man JW Library^® app, shin Bibilo yô

• Er u er tom a ma kwagh ken Akaa a Se Eren Tom a Mi u Tesen Ior Mimi Yô la

• Er u pase kwagh a ma gbenda u pasenkwagh a mi, er kwaghpasen u sha telefon man u ngeren washika man kwaghpasen u ken igbar man u hiden za sôron ior shin henen Bibilo a ior yô

• Akaawan sha kwagh u ieren i dedoo man u geman a gbenda u pasen kwagh man u kuran iyol yase man u lun a mnenge u vough sha akaa shin ambaakaa la nahan

• Ma vidio shin iaven i ken antakeda u Ver Ishima Seer Fan Takerada u Ôron man Ityesen la

• Er u wase or u ne dugh kwaghpasen imôngo la shi u taver na ishima yô

• Ma ivur Bibilo i i ôr kwagh u tom kwaghpasen shin ma kwagh u yange er u ken kwaghpasen u una taver nan ishima yô