Mbamsen mba Yehova a lumun a mi mba er kwaghhumandoon u yange i nanden hanma shighe sha ishigh nagh ken tempel la nahan. (Ps 141:2) Shighe u se er msen se sugh Yehova shi se pase un er a doo se ishima, se ôr un akaa a se we ishima u eren shi se sôn un ser a tese se kwagh u se er yô, ka se tese ser ijende i se ye a na la gba se kwagh. Mbamsen mba tiônôô mba i eren ken mbamkombo asev la kpa Yehova nengen ve ér ka vegher u vesen ken mcivir na. Nahan kpa, ka sea tôô shighe sha tseeneke wase sea er msen gôgônan sea pase Yehova er i lu se ken ishima la yô i saan un iyol!—Anz 15:8.

NENGE VIDIO I M HEMBA VEREN ISHIMA SHA MSEN U EREN LA, MAA NA MLUMUN SHA MBAMPIN MBA VE DONDO NE:

• Anmgbian Johnson er tom sha aan a nyi nahan ken nongo u Yehova?

• Anmgbian Johnson suur sha Yehova sha u eren msen nena?

• Ka nyi u hen ken ikyav i Anmgbian Johnson laa?