Tom wase u pasen kwagh ne hingir torough torough, sha ci u zegeican ngu ikyua ikyua. (Anz 24:11, 12, 20) Se fatyô u nan ior ukaade mba JW.ORG la sha er se tese ve ken Mkaanem ma Aôndo kua ijiir yase i sha Intanet la yô. Kaade la ngu a ijiir sha mi i or a fatyô u eren scan code nengen vidio i Doo u Ú Hen Bibilo sha ci u Nyi? la, shi seer ôron ityakerada yase igen shin ngeren ér i va hen Bibilo a nan yô. Mbagenev mba soon u ngohol ityakerada yase ga, kpa ka ve lumun u zan sha ijiir yase i sha Intanet la. I de taver we u nan or kaade u JW.ORG la ga. Nahan kpa, de undun kaade la a mba ve tese isharen ga la ze.

Er u lu eren akaa ou ayange ayange la, u fatyô u kaan a or wer: “M ngu a kwagh u m soo u nan we yô. Kaade ne una wase u zan hen ijiir yase i sha Intanet la, za ôron ityakerada shi nengen uvidio gbilin sha atineakaa kposo kposo.” (Yoh 4:7) Er ukaade mban ve kehe ga yô, u fatyô u tôôn ve kpuaa sha er u na or shighe u ian i dugh yô.