Ka aeren a nyi u soo wer ijende you nan lu a mini? Alaghga u soo wer ijende you nana lu or u mimi, nana eren kwagh kundu kundu, shi nana wa nagh. Yehova ngu a aeren ne cii. (Ek 34:6; Aer 14:17) Ka wea er msen hen a na yô a ungwa. Wasen we shighe u u soo iwasen cii. (Ps 18:19, 35) Ka wea nzughul kwagh kpa a de u. (1Yh 1:9) Mimi yô, Yehova ka Ijende i numben a mi ga!

U hingir ijende i Yehova nena? Ôron Mkaanem nam sha er u hen kwagh na yô. Ôron un akaa ou a sôngo sôngo. (Ps 62:8; 142:2) Akaa a a gbe Yehova kwagh la a gba u kwagh, er kwagh u Wan na, man Tartor na kua akaa a a tende zwa u va eren ken hemen la nahan. Ôron mbagenev kwagh na. (Dut 32:3) Aluer u ya ijende a Yehova kôôsôô yô, una lu ijende you gbem sha won.—Ps 73:25, 26, 28.

NENGE VIDIO I AGUMAIOR, BENDE NENGE NEN, YEHOVA KA U DOON JE LA, MAA NA MLUMUN SHA MBAMPIN MBA VE DONDO NE:

• U wa agoyol u tseghan iyol you shi eren batisema nena?

• Mbagenev ken tiônnongo vea wase u u civir Yehova nena?

• Tom u pasen kwagh ka u taver ikyar i u ye a Yehova la nena?

• Ka ityom i ken nongo u Yehova i nyi u fatyô u erene?

• Ka nyi kwagh i doo u sha kwagh u Yehova?