Mbashiada mba Yehova mba a ian i icivirigh kpen kpen. Er se lu Mbakristu mba ve tsegh ayol a ve shi ve er batisema yô, ka se za hemen u yan ikyar vea Yehova, Ter Uhembanagee la. A urugh se a va a vese hen a na sha ikyev i Wan na. (Yh 6:44) Ongo mbamsen asev.—Ps 34:15.

Se er nan ve se za hemen u yan ikyar a Aôndo kôôsôô? Kwagh môm yô, ka u palegh u eren akaabo a Mbaiserael yange ve er la. Yange mba ye ikyur a Yehova fese je maa, ve er wanbua ve gba civir. (Ek 32:7, 8; 1Ko 10:7, 11, 14) Gba u se pine ayol a ase ser: ‘Ka mea tagher a imeen i eren kwaghbo nahan m er nena?’ Ka m er kwagh sha inja i ikyar i m ye a Yehova la gbam kwagh kpa? Aluer Ter wase u sha doo se ishima yô, se palegh u eren akaa a a ker a ihyom la.—Ps 97:10.

NENGE VIDIO I KURA MLU WOU VEA YEHOVA (KOL 3:5) LA, MAA NA MLUMUN SHA MBAMPIN MBA VE DONDO NE:

• Ka nyi i lu mtôm?

• Gba u se palegh hua u eren kua eev mbu civir sha ci u nyi?

• Idya i eren zua vea eev mbu civir nena?

• Er nan i hembe lun hange hange u mba ve lu a ityom ken nongo u Yehova la vea kuren mbamgbe mba ikyar ve u ken ivese laa?