Yesu yange fatyô u pasen kwase u ken Samaria la kwagh shighe u ian due yô, sha ci u hii iliam a kwase shon. Se er nan ve se seer fan igbenda i hiin iliam a ior mba se fe ve ga laa?

• Luun sar sar a ior shi lamen a ve. Er Yesu vôr nahan kpa, a hii iliam na sha u sônon mngerem ma man. Nahan we kpa u fatyô u hiin iliam a or sha u sughun nan saan saan, maa alaghga hiin iliam a nan sha kwagh u mdôhôrom shin mtseenem, gayô ôron nan kwagh u a sember eren yô. Umbur wer, awashima wou jighilii yô, ka u hiin iliam a or di tsô, nahan lam sha ma itinekwagh i ia doo nan u ungwan yô. Aluer nan venda u ungwan kpa, kwagh saa u ga. Lam a or ugen. Sôn Yehova a na u ishimataver.—Ne 2:4; Aer 4:29.

• Kegh a kegh iyol u pasen loho u dedoo shighe u ian i dugh yô, kpa de hingir ayem ayem ga. De iliam shon i za hemen sha marami. Aluer u hanger ikyaa a or yô, alaghga a kera doo nan ga, maa nana de u lamen a we. Aluer u hii iliam a or, maa iliam shon kure a u we pasen nan kwagh shio kpa, ishima i de vihin we ga. Aluer ka wea hen sha kwagh u pasen or loho u dedoo la nahan, i cier we iyol yô, kar iyol u hiin iliam a or, a awashima u pasen nan kwagh shio. [Tese vidio i hiihii la, shi lam nen sha mi.]

• Nôngo ker ian i u fatyô u pasen or kwagh yô, sha u ôron kwagh u u ne jighjigh a mi la a ishima i môm, u una fatyô u mgbeghan or u nan lu ungwan a we la u kaan ér we u seer tan nan iwanger yô. Yesu yange ôr mkaanem ma doon tsung, ma ma mgbegha kwase la u pinen mbampin yô. Yesu va hiin u pasen kwase la kwagh yô, lu mbampin mba kwase shon pine la, Yesu lu nan mbamlumun sha mi ye. [Tese vidio i sha uhar la, shi lam nen sha mi, u been yô, tese vidio i sha utar la, shi lam nen sha mi.]