Shighe u se lu keren tom yô, alaghga a taver se u veren kwagh u Tartor u Aôndo kua perapera na hiihii ken uma wase. Alaghga a sar se u lumun tom u ua na a taver se u civir Yehova shin ua na a taver se u dondon akaawan a Bibilo yô. Nahan cii kpa, doo u se fa ser Yehova ka a tese agee a na “hen mba asema a ve a lu jighelaa her a Na yô.” (2Kr 16:9) Kwaghmôm una fatyô u yangen Ter wase u se doo un ishima la u wasen se shi nan se akaa a kwagh a gbe se a mi la ga. (Ro 8:32) Sha nahan yô, shighe u se lu keren tom u se er yô, gba u se suur sha Yehova shi se hemba veren ishima yase sha u civir un.—Ps 16:8.

NENGE VIDIO I, EREN TOM A ISHIMA I MÔM SHA CI U YEHOVA LA, MAA NA MLUMUN SHA MBAMPIN MBA VE DONDO NE:

• Er nan ve Jason a vende u ngohol inyaregh ki eren anyighee?

• Kwagh u i ôr ken Mbakolose 3:23 la una fatyô u wasen se nena?

• Ikyav i dedoo i Jason la i bende a Thomas nena?

• Kwagh u i ôr ken Mateu 6:22 la una fatyô u wasen se nena?