Saan se iyol kpishi er se zough a antakeda man takeda u he u henen Bibilo a mi vea ior yô! Se sôn ser Yehova a na iveren sha tom wase ne sha er se gema ior kpishi vea hingir mbahenen yô. (Mt 28:18-20; 1Ko 3:6-9) Se er tom a akaa a he ne nena?

Er takeda u U Fatyô u Lun Uma Gbem sha Won shi a Saan We Iyol!, nenge kwagh u Bibilo i ôr yô la u tese gbenda u he u tesen ior yô, dondo akaawan a i dugh a mi la shighe u u lu wan agoyol man shighe u u lu henen Bibilo a ior yô. *

• Ôr takeda ne shi time sha mbampin mba ve lu ker la

• Ôr avur a Bibilo a i nger ér “ôr” la, shi wase or u u lu henen kwagh a nan la u kaven kwagh u avur shon a lu ôron yô

• Tese nan uvidio mbara shi lam nen sha mbampin mba i pine la

• Hanma kwa u ne tem yô, nôngo bee nen ityough i môm

Shighe u u dugh kwaghpasen yô, vande nan or antakeda la sha er u nenge aluer nan ngu a isharen yô. (Nenge ngeren u kiriki u “ Er U Na Antakeda u Lu Uma Gbem! la, Zum u U Hii Zuan a Or Yô.”) Aluer ne hen antakeda ne ne bee man sar orhenen Bibilo la u zan hemen a kwaghhenen yô, na nan takeda la maa hii u henen kwagh a nan ken ityough ki sha 04 la. Aluer u ngu vanden henen kwagh a or ken takeda u Bibilo Tese shin Lu ken Dooshima kpa, hide hii u henen takeda u, Lu Uma Gbem! la vea nan, shi tsua ityough ki ne hii sha mi yô.

NENGE VIDIO I DOO SE KPISHI ER U SOO U HENEN BIBILO YÔ LA, MAA NA MLUMUN SHA MBAMPIN MBA VE DONDO NE:

• Ka nyi mbahenen Bibilo vea hen ken takeda u he ne?

• Er nan i doo u u tese mbahenen Bibilo mba hev vidio ne?

• Ka nyi i doo u u taver orhenen Bibilo la ishima kure kure wer nana hii u erene?—Nenge ngeren u kiriki u “ Kwagh u U Er man Kwagh u U Ver Ishima Sha Mi ken Hanma Vegher Yô” la.