Ka wea eren tom a uvidio man mbampin mba wasen or u henen sha kwagh mba ken takeda u Lu Uma Gbem! la nahan i doo u kpa? Shi ka i doo u u eren tom a ngeren u “Ior Mbagenev ka Ve Kaa Ér” man u “Kwagh u Ú Er Yô” kua u “Seer Henen Kwagh” laa? Ka akaa agen a ken takeda ne a nyi kpa a a doo u u eren tom a mi shighe u ú lu henen Bibilo a oro?—Mt 28:19, 20.

Uvidio man Ungeren: Aluer u hemba doon we u eren tom a kôpi u takeda ne u i gber la shighe u ú lu henen Bibilo a ior yô, a taver we u zuan a uvidio man ungeren mbagen la cii ijiir i môm. Kpa aluer u bugh takeda ne sha ahumbe yô, kighir sha vegher môm ken avegher a anyiin la. Nenge ape i nger atineakaa a mtom ma ken vegher shon i za kighir la, maa u zua a uvidio kua ungeren mba ken vegher shon. (Nenge foto u sha 1.)

Musan Yem sha “Printed Edition”: Aluer u ngu henen kwagh vea or a kôpi u sha ahumbe la yô, u fatyô u musan yemen sha “Printed Edition” shighe u soo cii. Bugh ityough ki u soo la, za vegher u ker yaan za kighir ape i civ ankaam utar la, maa kighir sha “Printed Edition”. U veren sha mi yô, u nenge a akumaihiange a a sav kwagh u i tim sha mi ken ityough kira cii yô. Wea soo u hiden a mi er a vande lun la yô, za kighir ape i civ ankaam utar la, maa kighir sha “Digital Edition.”

“M Kuma Vee?”: I ôr akaa a or a er ve nana kuma u pasen kwagh vea tiônnongo kua a nana er ve nana kuma u eren batisema yô ken ngeren mba kiriki mba ve lu ikyua ken mbee u takeda ne la. (Nenge foto u sha 2.)

Ngeren mba Seer Tan Iwanger: Ngeren mban ka ve seer tan iwanger sha atineakaa a vesen agen. Ka wea bugh takeda ne sha ahumbe yô, ape ma ngeren u seer tan iwanger a za kighir la, i wa link u ú kighir sha mi ve una hide a we ken ityough ki ashen u lu ôron la yô. (Nenge foto u sha 2.)