Mbakristu mba ve vôso ayol a ve shi ve civir Yehova yô, ka i saan ve iyol ken ivese ve. (Mr 10:9) Gba u Mbakristu vea dondo akaawan a Bibilo shighe u ve lu tsuan or u vea vôso la, ve a saan ve iyol ken ivese ve shi ia tsa gbem ye.

Hemba doon u gumor nana “kar iaven i hian a hia la,” inja na yô, nana kar iaven i isharen i yaven a or ka i taver ken agumaior, ve i taver ve u tsuan kwagh u vea er sha inja la cii ve nana hii shiôr ye. (1 Ko 7:36) Er tom a shighe u ú lu kwav la sha inja, sha u taver ijende i u ye vea Aôndo la shi seer lun a aeren a Orkristu. Aluer u er nahan yô, u hemba vôson or u a saan ne iyol ken ivese yen yô.

Cii ve u tsua or u ú vôso yô, tôô shighe tôv “or u ken myer,” u nan lu “ken ishima” i nan la. (1 Pe 3:4) Kpa aluer u ngu tan akpelan sha kwagh u nan yô, lam vea nan. Hemba doon u mba ve vôso ayol a ve la cii vea ver ishima ve sha u nan ikyar ve kwagh, a lu di u ngohol a ngohol ga. (Fil 2:3, 4) Aluer u ngu vanden dondon akaawan a Bibilo yô, shighe u ú va er ivese la kpa u za hemen u eren nahan sha er a saan ne iyol ken ivese yen yô.

NENGE VIDIO I ER U WA AGOYOL U EREN IVAA YÔ—VEGHER U SHA 3: VANDE “GBIDYEN KWAR” LA, MAA NA MLUMUN SHA MBAMPIN MBA VE DONDO NE:

• Anmgbian u kwase ne vea Shane yange ve hii Shiôr nena?

• Er lu fan Shane seer la, ka nyi yange va mase kavene?

• Mbamaren nav wase un nena, man ka nyi yange tsua u eren sha kwaghfana?