Uma taver ken ayange a masejime ne kpishi. Er se lu hemban zurum a mkur u tar ne la, akaa aa lu taver seer a seer. Ashighe agen, se lu a akaa a kwagh a gbe se a mi la ga. (Hab 3:16-18) Ka nyi ia wase se ve se lu a vangertiôr ser, shighe u ican i gbe se kpa se fatyô u wan ishima? Gba u se za hemen u suur sha Yehova Aôndo wase. A tôndo zwa ér una nenge sha mba ve civir un la, shi una fatyô u wasen se ken hanma mlu cii.—Ps 37:18, 19; Heb 13:5, 6.

Kwagh u u er yô:

• Sôn Yehova a wase u, shi a na u kwaghfan, shi a tese u kwagh u ú er yô.—Ps 62:8

• Kegh iyol u eren tom u ú lu a vande eren ga je kpaa.—g-E 1/10 8-9, boxes

• Za hemen u eren akaa a ken jijingi, er u ôron Mkaanem ma Aôndo hanma iyange man u zan mbamkombo mba tiônnongo kua u pasen kwagh nahan

NENGE VIDIO I MAA YA U UNA TSA GBEM YÔ—“AKAA A NE LU A MI LA A̱ KUMA NE” LA, MAA NA MLUMUN SHA MBAMPIN MBA VE DÔNDO NE:

• Ka mbamzeyol mba nyi icombor igen i tagher a mi?

• Ka nyi i hembe lun kwagh u hange hange ken uma?

• Se wase mba ve lu yan ican la nena?