LU A IEREN I ÔKRISTU
Mbakuran Mba Ve Eren Tom sha u i Kpe Ior mba Yehova Iyol La
Ior kpishi kera na mba ve lu sha aan a utaha la jighjigh ga. Kpa se na ve ibo ga. Uumace ndera eren tahav sha mbagenev sha u zuan a mtsera ve ka nyian ga. (Mik 7:3) Doo se kpishi er i tsaase mbakuran mba ken tiônnongo ve eren tom a tahav vev sha u wasen ior mba Yehova nahan.—Es 10:3; Mt 20:25, 26.
Mbatamen mba er mbautahav mba ken tar nahan ga. Ka ve er tom u nengen sha ior la sha ci u Yehova doo ve ishima kua ior nav. (Yh 21:16; 1Pe 5:1-3) Yesu ngu hemen mbakuran mban, nahan ka ve wase hanma orpasenkwagh u fan ér nan ngu ken tsombor u mbacivir Yehova shi ve wase nan u yan ijende a Yehova kpaa. Ka ve kegh a kegh iyol u wasen iyôngo i Yehova ken jijingi man sha shighe u i gbe u a er mô ve twer abur abur shin shighe u ma kwagh u vihin a er yô. Aluer u soo iwasen yô, i de taver we u lamen a ortamen u ken tiônnongo wou ga—Yak 5:14.
NENGE VIDIO I MBAKURANILEV MBA VE WE IKYUMUILE IKYO YÔ LA, MAA NA MLUMUN SHA MBAMPIN MBA VE DONDO NE:
-
Kwagh u mbatamen ve er a Mariana la wase un nena?
-
Kwagh u mbatamen ve er la wase Elias nena?
-
Vidio ne wase u u nengen tom u mbatamen ve eren la nena?
