Tar u Lun A Ican I Yan Shio La
Vegher u sha 2
Tar u Lun A Ican I Yan Shio La
1, 2. Ka mnenge u kposo u nyi ior kpishi ve lu a mini?
NAHAN cii kpaa, ior umiliôn kpishi sha tar cii mba a mnenge ugen kposo je. Ka ve nenge mlu u dedoo u kpilighyol sha ci u uumace. Ka ve kaa er shi ca ga tsô tar u lun a ifer kua ican i yan shio ua va. Mba a ishimaveren er shi kpeghee tsô á kar a hanma kwagh u a lu u bo cii kera vindi vindi man á ver tar u he. Shi ka ve kaa er hegen je mba wan imaagh ki tar u he la!
2 Ior mban na jighjigh er tar u he la ityav mbia lu ker ga, ieren i bo, shin ifer, shin m-ban u mimi, shin ibanave kpaa ga. Á lu tar u lun a angev shio, kua ijungwen, mliam, man ku kpaa. Hen shighe la ior vea vese ken mlu u waeng shi vea lu ken msaanyol gbem sha won ken tar u paradiso. Nenge ase yô, mba ve vande kpen mbara cii á nder ve shi á na ve ian i lun uma gbem sha won!
3, 4. Er nan ambaaior la a ne jighjigh sha mnenge ve la a vangertiôrô?
3 Mnenge u mlu u ken hemen ne ka mnyamciem, ka u tômon a tôm di tsôô? Ei, mayange ga. A har sha imaagh ki taver ki jighjigh u nan er mve u Paradiso una bunde mayange ga la. (Mbaheberu 11:1) Er nan ve har shami yum nahana? Sha ci u Orgbanakaa uhembanagee la vande tôndon zwa nahan.
4 Sha kwagh u uityendezwa mba Aôndo mbara yô, Bibilo kaa er: “Ma kwagh môm sha akaa a dedoo a TER, Aôndo wen, ter sha a ven la bunde ga, a cii i kure ne a vough, ma kwagh môm bunde ga.” “Aôndo ka or man Una er aie ga . . . Una kaa kwagh yô, Una kera er sha mi gaa? Man Una ôr kwagh yô, Una kera kure sha mi vough gaa?” “TER u akum a Sha bum kaa er: Mimi je, er M hen nahan, kape á er la; man er M ver ishima nahan, kape a lu la.”—Yosua 23:14; Numeri 23:19; Yesaia 14:24.
5. Ka mbampin mba nyi i gbe u nan ikyar shami?
5 Nahan cii kpaa, aluer awashima u Aôndo yange lu u tar u paradiso la u̱ de luun a ican i yan keregh ga yô, er nan yange na akaabo ian er a erene? Er nan yange kegh anyom dubu ataratar zan zan i va ar hegen sha u sôron kwagh u a ze iyol laa? Uderimbaanyomov mba ior lu yan ican la cii tese er Aôndo we ikyo sha kwagh wase ga, shin ngu ga shinii?
[Mbampin Mba Ngeren u Henen]
