Mbamzeyol Mba Ka Ve Na Se Lu a Ishimaverenkeghen Yô
Mbamzeyol Mba Ka Ve Na Se Lu a Ishimaverenkeghen Yô
“Ken ayange a masejime yô, ashighe a bo aa va shi uma una taver.”—2 TIMOTEU 3:1.
AHAN mô ken akaa a vihin tsung a i ter shin heen ne er sha ashe a ou, shin u ungwaa?
● Bouange u a wua ior kpishi yô.
● Ijen i i wua ior uderi imôngo yô.
● Tartenger u u wua ior udubu imôngo shi u vihi ior uya yô.
Ken ngeren mba ve dondo ne, u time sha akaa a vihin, er a se ter sha heen ne nahan, a a er kpôô kpôô yô. Shi u nenge er Bibilo i tsenga ôron ér ambaakaa la aa lu eren hen shighe u i yila ér, “ayange a masejime” * la yô.
Nahan kpa, fa wer se mba ngeren akaa ne sha u se pase u fa er tar u se lu ker ne u ngee a mbamzeyol ga. We iyol you kpa u ngu nengen a mbamzeyol mbara sha ashe a ou. Kpa se mba ngeren akaa shon sha er u lu a ishimaverenkeghen yô. Ngeren mban vea tese er mkur u akaaôron a profeti a ataratar ne a lu tesen ér shi kpuaa tsô “ayange a masejime” ne aa bee yô. Ngeren mban shi vea ter akaa a ior ka ve ôr u gban anyiman sha akaa ne ér ka ikyav i ayange a masejime ga yô, shi vea due a atôakyaa a injaa a se fatyô u nan jighjigh ser, ica ia kera gba ga tsô, se nyôr ken mlu u dedoo yô.
[Ngeren u shin kpe]
^ Ikyum. 7 Aluer u soo u fan er i hii ve Aôndo a de ér akaa a vihin ne a er yô, nenge ngeren u a lu a itinekwagh ér, “Er Nan Ve Aôndo a De Kwaghbo a Lu shi Ior Ve Lu Yan Icana?” la ken Iyoukura ne, peeji u sha 16 man 17.