Itinekwagh 12

U Tesen Iko i Wan sha Uma man Awambe

Ka nena i doo u se nenge uma? (1) iyav mbu vihini? (1)

Ka nena Mbakristu ka ve tese er ve wa iko sha u yangen aikôrô? (2)

Ka shami ga u wuan zendenyaa? (3)

Ka aeren a nyi a tesen iko i wan sha uma ga? (4) Kanyi i lu tindi u Aôndo sha kwagh u awambe? (5)

Kwagh ne kua awambe a tan kpaa kereghe? (6)

1. Yehova ka Imbor i uma. Akaauma cii zua a uma ve hen Aôndo. (Pasalmi 36:9) Uma ka icighan kwagh hen Aôndo. Uma u wan u ken yav mbu ngô u nan je kpaa ka kwagh u taver ishe hen Yehova. U wuan imba wan u a lu vesen la sha awashima la ka kwaghbo hen ishigh ki Aôndo.—Ekesodu 21:22, 23; Pasalmi 127:3.

2. Mbakristu mba mimi mba we iko sha u yangen aikôr. Ka ve ver ishima er umato vev man uya vev mba a iyolvihin shio. (Duteronomi 22:8) Mbatomov mba Aôndo mba te uma ve kera sha ci u msaanyol shin sha ci u iember di tsô ga. Nahan mba nyer iyol ken anumbe a eren sha ipila a ka a vihi ior iyol sha apera la ga. Ka ve palegh ugurgur mba ve lu a ipila keregh yô.—Pasalmi 11:5; Yohane 13:35.

3. Uma u zendenya kpaa ka icighan kwagh hen Orgban. Orkristu  nana fatyô u wuan uzendenya sha u zuan a kwaghyan kua ikondo i zeren shin u kuran iyol i nan sha uange man kwaghbo u cieryol. (Genese 3:21; 9:3; Ekesodu 21:28) Kpa ka shami ga u nzughul a zendenya shin gban wuan ve tsô sha ci u eren anumbe shin keren msaanyol.—Anzaakaa 12:10.

4. Ityu i man, u yan ityamegh ki betel, man u gban man mcimbim sha u keren msaanyol la ngu sha ci u Mbakristu ga. Aeren ne nga shami ga sha ci u (1) ka a gema se se hingir ikpan i á, (2) ka a vihi se ayol, man (3) ka a hôngol ayol a ase. (Mbaromanu 6:19; 12:1; 2 Mbakorinte 7:1) A fatyô u lun kwagh u taver tsung u den aeren ne. Kpa saa se er nahan keng sha u eren ishima i Yehova.

5. Awambe kpaa ka icighan kwagh hen ishigh ki Aôndo. Aôndo kaa er oruma la, shin uma la, ka ken awambe a lu ye. Nahan ka shami ga u yan awambe. Ka shami ga u yan inyam i ishôso i i haa awambe a i̱ inya vough ga yô. Aluer inyam kpe a m-senge shio shin i̱ kpe ken kwaghhônon yô, i̱ de ye i̱ ga. Aluer i tume i̱ dagi shin i ta i̱ gbuuka yô, saa a sôngo i̱ fese aluer ka u a ya i̱ yô.—Genese 9:3, 4; Levitiku 17:13, 14; Aerenakaa 15:28, 29.

6. Ka shami ga u lumun awambe a tanaa? Umbur, Yehova soo er se̱ nyagh awambe. Ngun inja na yô ka u mayange se nyôr a awambe a ior mbagenev shin a̱ ase a i koso mape ken iyol yase sha ma gbenda ga. (Aerenakaa 21:25) Nahan Mbakristu mba mimi vea lumun awambe a tan ga. Vea lumun igbenda igenegh i twer sôron, amba er u tan ve akaa agenegh a lun a awambe shio nahan. Ve soo u lun uma, kpa vea nôngo u waren uma ve sha u peren atindi a Aôndo ga.—Mateu 16:25.

[Ufoto mba sha peeji 25 la]

U eren ishima i Aôndo yô, saa se palegh awambe a tan, aeren a hôngorough, man u gban teen uma wase tsô la