Itinekwagh 15

U Wasen Mbagenev u Eren Ishima i Aôndo

Er nan i doo u ú pase mbagenev kwagh u ú lu henen ne? (1)

Ka hen unô ú fatyô u pasen loho u dedolo? (2)

Kanyi kwagh ieren you ia fatyô u eren sha mbageneve? (2)

Ka hanma shighe ú fatyô u pasen kwagh a tiônnongo imôngo? (3)

1. Hegen ú hen akaa a dedoo kpishi ken Bibilo. Mfe ne a̱ nau u maan mlu u Orkristu. (Mbaefese 4:22-24) Imba mfe la ngi kpee sha er ú zua a uma u tsôron yô. (Yohane 17:3) Nahan cii kpaa, mbagenev kpaa gba u vea ungwa loho u dedoo ne sha er ve kpaa vea war yô. Mbakristu mba mimi cii saa vea er shiada hen mbagenev. Ka tindi u Aôndo a we yô.—Mbaromanu 10:10; 1 Mbakorinte 9:16; 1 Timoteu 4:16.

2. Ú fatyô u hiin sha u pasen mba ve lu ikua a we la akaa a dedoo a ú lu henen la. Pase mba hen tsombor wou, ahuraior a ou, mba ne ze makeranta imôngo, man mba ne eren tom imôngo la. Er ú lu eren nahan la lu sar sar shi lu a ishimawan. (2 Timoteu 2:24, 25) Umbur wer ior mba hembe nengen ieren i or a u keghen ato sha kwagh u nan ôron la. Nahan alaghga ieren you i dedoo la ia urugh mbagenev u keghen ato sha loho u ú lu ôron ve la.—Mateu 5:16; 1 Peteru 3:1, 2, 16.

3. Ken hemen yô, alaghga ú kuma u hiin u pasen kwagh imôngo vea tiônnongo u Mbashiada mba Yehova u a lu hen ijiir you la. Ngun ka iaven i vesen ken mzehemen wou. (Mateu 24:14) A lu kwagh u iemberegh tsô aluer ú fatyô u wasen orgen u hingir ortom u Yehova man zuan a uma u tsôron yô!—1 Mbatesalonika 2:19, 20.