Nongo Ve Ú Ú Lu Tar sha Won Cii la kua Tom Ve Kpaa

IGBENDA ngi kpishi í í yaren tom a mi u nengen sha tom u eren shiada ne ken ityar i hemban 230 í í eren tom shon ne yô. Kohol cii yô ka Mbahemenev mba Shin Tine mba ve lu shin ijiirtamen i sha tar cii ken gar u Brooklyn, New York la, ve hemen ye. Hanma inyom yô Mbahemenev mba Shin Tine ka ve tindi ior mbagenev mba ve lu ashe ve yô ken uharegh mba vesen kposo kposo sha tar sha u ve̱ za tema imôngo a mba ve nengen sha tom ken ubranci mbara yô. Ken ubranci mbara di, Kômatii mba Nengen sha Branci mbá mba ka ve lu iorov utar shin i kuma iorov utaankaruhar yô, mbá nengen sha tom ken ityar i í we ve sha ikyev la. Ubranci mban mbagenev mba a ikyáv mbi gberen ityakerada, mbigenev je yô ka akeke a vesen a gberen ityakerada fele fele la. Ka i pav tar shin haregh u branci a nengen sha mi la ker uharegh wue wue, uharegh mbara di shi i pav uningir ker. Hanma ningir yô ngu a atôônanongo ker er 20 nahan. Ortamen u nengen sha haregh la ka a zenden a sôron ningir mba ve lu ken haregh na la. Hanma inyom yô ka i kumba mbamkohol uhar hen hanma ningir. Shi ortamen u sôron atôônanongo kpa ngu, ka a zende a sôr hanma tiônnongo kwa har ken inyom, a wase Mbashiada mbara u kohol iyol shi eren tom u pasen kwagh hen ikyasen i í we ve sha ikyev hen tiônnongo ve la.

Ka tiônnongo u a lu hen ma ijiir, a Iyou i Tartor na i i lu her la i lu ijiir i tamen i pasen loho u dedoo hen ijiir shon ye. Ka i pav uikyasen mba kiriki kposo kposo ken ijiir i i lu sha ikyev i hanma tiônnongo la. Ka i gema uikyasen mban i wa sha ikyev i Mbashiada kposo kposo mba ka ve nôngo ve za ior inya sha u za lamen a ve sha hanma ya hen ikyasen shon yô. Hii sha atôônanongo a lun a Mbashiada ker kpuaa tseegh zan zan za ar sha á lun a ior ker er 200 nahan la cii, mbatamen ka ve lu ken á, mba i ver ve sha u ve̱ nengen sha ityom wue wue yô. Or u nan yôôn loho u dedoo la nan ngu a inja kpishi ken nongoior u Mbashiada mba Yehova. Hanma Orshiada cii, nana̱ lu eren tom shin ijiirtamen i sha tar cii la, shin a̱ lu sha ubranci mbagenev, shin a̱ lu ken atôônanongo kpaa, nan eren tom u za pasen mbagenev kwagh u Tartor u Aôndo ne.

Ken masejime yô, abaver a tomshiren ne cii ka a za ar shin ijiirtamen i sha tar cii la, nahan maa i kohol i nger takerada u i gberen hanma inyom i yer ér Yearbook la. Shi hanma inyom yô, ka i gber ngeren u caghen a cagh la ken Iyoukura i Janawari 1 la. Ngeren  mba uhar mban ka ve na abaver a tom ú i er ken hanma inyom ken shiada i eren sha ci u Yehova man Tartor na u sha ikyev i Kristu Yesu la. Ken anyom a a sember karen ne, Mbashiada man ior mbagenev mba i gbe ve ishima mba lun er iorov 14,000,000 nahan zer zan iniongo i M-umbur u umbur ku u Yesu la hanma inyom. Mbashiada mba Yehova mba yôôn loho u dedoo ne hanma inyom ka hembe ahwa 1,000,000,000, shi ka i er mbahev batisema i hemba iorov er 300,000 nahan. A kohol iyenge i ityakerada i ve ne ior yô, nyôr kôpi umiliôn uderi imôngo je.