Kanyi i mgbeghan se ve se ze hemen u dondon Yesu? Apostoli Paulu na mlumun ér: “Dooshima u Kristu ngu mgbeghan se.” (2 Mbakorinte 5:14) Ken vegher u sha 3 ne, se time sha dooshima u Yesu lu a mi sha Yehova man sha uumace kua se asange asange la. Aluer se time sha dooshima u Yesu ne yô, asema aa mgbegha se. Kwagh la una kôr se ken ishima shi una mgbegha se u nôngon kwagh kpoghuloo sha er se za hemen u dondon ikyav i Ter wase la yô.