Yesu lu or u gban ikyon. Lu or u eren uivande man or u been ior angev. Yesu er akaa ne cii kua ityom igen kpaa. Nahan kpa, ior yilan un sha atiatom ne ga. Yange ve yilan un ér Ortesen. Sha kpôô yô, kwagh u Yesu er a uma na yô, lu u ‘tesen shi ôron Loho u Dedoo.’ (Mateu 4:23) Er se lu mbadondon Yesu yô, se kpa ka tom u se lu a mi je la. Ken vegher u sha uhar ne, se nenge er ikyav i Yesu la i tese se er se er tom ne yô.