Takerada Wam u Akaaôron a Bibilo

Ôr akaa 116 ken Bibilo, a yange er yô. I ôr akaa la vough er Bibilo i tese nahan, sha gbenda u taver ga, shi i kpela ufoto mba tesen akaa shon doo u nengen.

GBANGER A MI CICA HOGHOL A MI CICA

Mhii

Akaaôron a mimi a i dugh ken Bibilo i i lu takeda u hemban sha tar cii la, pase akaa a yiase a a er yô, hii sha shighe u i gba tar la je.

VEGHER U SHA 1

Igbetar zan zan Mngerem Ma Deemee

ITYOUGH 1

Aôndo Hii u Eren Akaa

Kwagh u Igbetar u i ôr ken Genese la wanger shi mbayev je kpa ka a doo ve.

ITYOUGH 2

Sule u Doonashe

I ôr ken takeda u Genese ér, Aôndo yange er sule u Eden lu ijiir i hemban doon sha tar cii. Aôndo yange soo ér tar cii u lu vough er sule u doonashe la nahan.

ITYOUGH 3

Or man Kwase u Hiihii

Aôndo yange gba Adam man Ifa ver ve ken sule u Eden. Ve lu uumace mba ve hii eren ivese yô.

ITYOUGH 4

Er Yange I Hii Ve Ya Ve Saa La

Bibilo pase se ken takeda u Genese er yange i hii ve paradiso kera lu ga yô.

ITYOUGH 5

Uma u Ican Hii

Shighe u Adam man Ifa kera lu ken sule u Eden ga la, ve nyôr ken mbamzeyol kpishi. Yange vea ungwa imo i Aôndo yô, ma saan ve iyol kua ônov vev cii.

ITYOUGH 6

Wan u Dedoo, man U Bo

Kwagh u Kain man Abel u i ôr ken takeda u Genese la, tese se aeren a i doo u se lu a mi yô—kua akaa a i gbe u se de u eren fese ga shighe a va kar yô.

ITYOUGH 7

Or u Lun a Ishimataver

Ishimataver i Enoki lu a mi la tese ér u fatyô u eren kwagh u dedoo, aluer mba wan ndor a we mba eren aferakaa je kpaa.

ITYOUGH 8

Akôraior Shin Tar

Genese ityough 6 ôr se kwagh u akôraior a yange a bula ior yô. Akôraior shon lu ônov mba mbatyomov mba yange ve undu ijiir ve sha, ve sen ve va lu shin tar er ka uumace nahan la.

ITYOUGH 9

Noa Gba Tso

Noa vea tsombor na yange ve war Mngerem ma Deemee sha ci u ve ungwa imo i Aôndo, shin er mba wan ndor a ve venda u keghen ato nahan kpaa.

ITYOUGH 10

Noa yange lu tan ior icin kpa ve lu sen un a se. Kpa yange ura nôôn mngerem ma ve sha tar deemee yô, ve kera nenge ér ka beerkwagh ga! Nenge er tso u Noa la yange war un kua tsombor man annyamev kpishi yô.

ITYOUGH 2

Mngerem ma Deemee zan zan M-due u ken Igipiti

ITYOUGH 11

Ikyume i Hiihii La

Ka wea nenge ikyume ia due sha kwavaôndo nahan, kwagh la a umbur we nyi?

ITYOUGH 12

Ior Maa Gôgôyou

Kwagh la yange doo Aôndo ga, nahan tsaha ve, maa mtsaha la na hingir u nyian kpa ior vea lamen ijô kposo kposo.

ITYOUGH 13

Aberaham—Huror u Aôndo

Er nan ve Aberaham yange undu ya na u doo kpishi la, za hingir u tsan ken utenti ken ayange a uma ciili?

ITYOUGH 14

Aôndo Kar Jighjigh u Nan u Aberaham

Er nan ve Aôndo yange kaa ér Aberaham a na nagh sha wan na Isaka?

ITYOUGH 15

Kwase u Loti Gema Ashe Jime

Se fatyô u henen kwagh u injaa ken kwagh u kwase shon yange er la.

ITYOUGH 16

Isaka Zua A Kwase u Dedoo

Ka nyi yange i na ve Rebeka lu kwase u dedoo? Ka mdoom nav shin ka ma kwagh ugene?

ITYOUGH 17

Ahina a Yange Lu Kposo La

Ter ve, Isaka, yange hemba soon Isou, kpa ngô ve Rebeka, gema hemba soon Yakob.

ITYOUGH 18

Yakob Yem ken Haran

Yakob yange hii vôson Lea, shin er lu Rahel tsôr nahan kpaa.

ITYOUGH 19

Yacob Ngu a Zege Tsombor

Mba yilan uipyaven mba Iserael mba 12 mbara sha ati a ônov nav mba 12 laa?

ITYOUGH 20

Dina Gba ken Kwaghbo

Yange ya ijende a ior mba dedoo ga ve kwagh la er un ye.

ITYOUGH 21

Angôôv mba Yosev Kôr Un Ihom

Ka nyi yange ma i na mbagenev ma soo u wuan anmgbian ve?

ITYOUGH 22

I Wuhe Yosev ken Gaadi

Yange i wuhe Yosev ér a per tindi ga, kpa i wuhe un sha ci u a er kwagh u vough yum.

ITYOUGH 23

Mnyam ma Farao

Abua a ataankarahar man asagher a a alakema ataankarahar la cii nga tesen kwagh môm.

ITYOUGH 24

Yosev Kar Anngôôv Nav

Yosev una er nan ve una fa ér mimi je anmgbianev nav mba yange ve tee un ér una hingir kpan mban ve gema inja?

ITYOUGH 25

Tsombor la Yem ken Igipiti

Er nan ve yange i yilan ior mba ken tsombor u Yakob ér Mbaiserael, i de yilan ve ér Mbayakob?

ITYOUGH 26

Yobu Na Jighjigh hen Aôndo

Inyaregh ki Yobu lu a mi kpishi la cii yange ki bee, shi ônov nav kpa kpe bee. Ka Aôndo yange tsaha un yee?

ITYOUGH 27

Tor u Bo Hemen ken Igipiti

Er nan ve yange kaa a ior nav ér ve wua hanma wan u nomso u Mbaiserael ve mar ciili?

ITYOUGH 28

Er Yange I War Wanikundan Mose La

Yange i wa tindi ér i wua hanma wan u nomso u Mbaiserael ve mar cii, kpa ngô u Mose ker gbenda yer un.

ITYOUGH 29

Ityôkyaa i Yange Mose Yevese Yô

Mose yange hen ér un ngu sha ian i yiman Mbaiserael shighe u lu anyom 40 la, kpa lu a kuma ga.

ITYOUGH 30

Ageva u Usu

Aôndo yange er uivande kposo kposo, maa kaa a Mose ér shighe kuma u Mose una za hemen Mbaiserael una due a ve ken Igipiti kera.

ITYOUGH 31

Mose man Aron Ve Ze Nenge a Farao

Er nan ve Farao yange ungwa imo i Mose de ér Mbaiserael ve yem ga?

ITYOUGH 32

Atsan A 10

Aôndo yange va a atsan 10 sha tar u Igipiti, sha ci u Farao u lu hemen tar u Igipiti la taver Aôndo ityough, venda u nan Mbaiserael ian ér ve yem.

ITYOUGH 33

U Peren Zegemnger u Nyian

Mose yange pav Zegemnger u Nyian sha tahav mbu Aôndo, Mbaiserael hungwa zende sha tareghnyaagh per yande la.

VEGHER U SHA 3

M-due u ken Igipiti zan zan Tor u Iserael u Hiihii

ITYOUGH 34

Inja Kwaghyan I He

Kwaghyan u due hen Aôndo ne lu senen sha kwavaôndo haan hen inya.

ITYOUGH 35

Yehova Na Atindi A Na

Ka atindi a ahar nyi a hembe Atindi a Pue laa?

ITYOUGH 36

Wanbua u Zenaria

Er nan ve yange ior civir eev mbu i er mbu sha nyeregh ku mbaabinkuni mba wan ken ato?

ITYOUGH 37

Tenti sha Ci u Mcivir

Yange i ver areki u ikyuryan shin an-ruum na u shin atô la.

ITYOUGH 38

Mbamkerev Mba 12

Iorov pue ken mba yange ve za u za keren fan akaa a ken tar u Kanaan la hide va ôr kwagh ve kposo, kpa mbauhar gema ôr di kwagh ugen kposo. Lu mba han Mbaiserael na ve jighjighi?

ITYOUGH 39

Gbough Ku Aron Kpar Uimondon

A er nan ve tiôn kon u ombor nahan una kpar shi una ume atam je aa via hen tugh mômo?

ITYOUGH 40

Mose Gbidye Vande

Kwagh u Mose soo la yange er, kpa gema na ishima vihi Yehova.

ITYOUGH 41

Iyô i Togula

Yange er nan ve Aôndo tindi iyô i bo kpishi ér i nyima Mbaiserael?

ITYOUGH 42

Jaki Ôr Kwagh

Jaki nenge a kwagh u Balaam fatyô u nengen a mi ga yô.

ITYOUGH 43

Yosua Hingir Orhemen

Mose yange lu her gbong gbong, man er nan ve yange i tsua Yosua ér a hemen ior sha ityough nagha?

ITYOUGH 44

Rahabi Yer Mbamkerev

Rahabi yange wase iorov uhar mba ve za u za keren fan akaa la nena, man yange kaa a ve ér ve wase un nena?

ITYOUGH 45

U Peren Ifi u Yordan

Yange upristi mba za hungwan angahar shin Ifi u Yordan yô, ivande er.

ITYOUGH 46

Girgar u Yeriko

Yange er nan ve kor na iyou igen gba ga?

ITYOUGH 47

Ormbaiv ken Iserael

Iferor môm tseegh nana na kwagh a fatyô u tseren ikyurior jimin ciili?

ITYOUGH 48

Mbagibeon Mba Fankwagh

Yange ve bume Yosua kua Mbaiserael ya ikyur a ve, kpa Mbaiserael kura ikyuryan i ve ya a ve la.

ITYOUGH 49

Iyange Tile Gigh Gigh

Yehova yange er kwagh ugen sha ci u Yosua, man lu kwagh u i gba je lu a vande eren ga, shi a kera kimbir eren kpaa ga yô.

ITYOUGH 50

Kasev Uhar Mba Taver Asema

Baraki yange hemen mbautyaav mba Iserael yem a ve ken uitya, kpa yange er nan ve Yael kar za ya gwa?

ITYOUGH 51

Rutu man Naomi

Rutu yange undu ya na va lu vea Naomi shi lu civir Yehova.

ITYOUGH 52

Gidion man Ior Nav 300

Aôndo yange kar ior mba a tsua ve u lun ken shoja i kpuaa ne la sha gbenda u ve ma mngerem la, lu gbenda u vanden karen ior ga yô.

ITYOUGH 53

Ityendezwa I Yefeta

Ityendezwa i Yefeta er a Yehova la yange na yô, a zungwe kua wan na u kwase la kpaa.

ITYOUGH 54

Or u Hembanagee Cii

Yange er nan ve Delila fa kwagh u lu agee a Semson laa?

ITYOUGH 55

Wanye u Kiriki Er Aôndo Tom

Aôndo yange tindi Samuel za ôr Pristi u Tamen Eli loho u kundan un iyol.

VEGHER U SHA 4

Tor u Iserael u Hiihii zan zan Myem ve Uikyangen ken Babilon

ITYOUGH 56

Saulu—Tor u Iserael i Hiihii

Lu Aôndo tsua un sha hiihii la ye, kpa va venda un ken masejime, se fatyô u henen kwagh u injaa ken kwagh u er Saulu la.

ITYOUGH 57

Aôndo Tsua Davidi

Ka nyi Aôndo yange nenge a mi ken Davidi, kpa profeti Samuel yô nenge a mi ga?

ITYOUGH 58

Davidi man Goliati

Davidi nôngo ityav a Goliati, lu sha mzu tseegh ga, kpa kua sha ikyagh ki numugh ki utaha kigen.

ITYOUGH 59

Er I Hii Ve I Lú u Davidi Una Yevese Keng Yô

Yange doo Saulu a Davidi sha hiihii la, kpa ken masejime va gba Davidi iyuhe je soo u wuan un. Sha ci u nyi?

ITYOUGH 60

Abigail man Davidi

Abigail yange kaa ér nom na ka ibumeor, nahan kpa kwagh shon war uma u nom na hen anshighe kpuaa.

ITYOUGH 61

I Na Davidi Tor

Davidi yange tese ér un kuma u lun tor u Iserael sha akaa a yange er man a a venda u eren la.

ITYOUGH 62

Mzeiyol ken Ya u Davidi

Davidi yange er kwaghbo u vesen môm, nahan hingir u un vea tsombor na cii vea ya ican anyom imôngo.

ITYOUGH 63

Solomon Tor u Fankwagh

Yange lu u mimi je una pav wan la avegher ahara?

ITYOUGH 64

Solomon Maa Tempel

Er Solomon lu orfankwagh nahan kpa, yange i mee un er ibumekwagh shi lu kwaghbo kpaa.

ITYOUGH 65

I Pav Tartor La

Yange Yeroboam tem tor je maa, hemen ior per atindi a Aôndo.

ITYOUGH 66

Yesebel—Torkwase u Ifer

Yange una soo u zuan a kwagh yô, kwagh u yangen un a lu ga.

ITYOUGH 67

Yehoshafati Na Yehova Jighjigh

A er nan shoja vea lu zan ityav ve, mbawan atsam vea kar a hemen ve a kwagh u nôngon ityav a mi shio?

ITYOUGH 68

Mbayev Nomso Uhar Mba Ve Hide Ve Lu Uma La

Or u nan kpe nahan shi nana fatyô u hiden lun uma je kpa? Kwagh vande eren nahan!

ITYOUGH 69

Wanyekwase Wase Zegeor

Yange taver ishima ôr kwagh, nahan kwagh u kpilighyol er.

ITYOUGH 70

Yona man Zege Ishu

Yona yange nenge er i gbe hange hange u una ungwan imo i Yehova yô.

ITYOUGH 71

Aôndo Er Ityendezwa I Paradiso

Paradiso u hiihii la yange lu di kpuaa tsô; u ngun ne una samber sha tar cii.

ITYOUGH 72

Aôndo Wase Tor Hesekia

Hen tugh môm tseegh, yange ortyom wua ushoja mba Ashiria 185,000.

ITYOUGH 73

Tor u Iserael u Dedoo u Masejime

Tor Yoshia yange taver ishima er kwagh ugen shighe u lu gumor la.

ITYOUGH 74

Or u Á Cian Kwagh Ga La

Yeremia yange hen ér un ngu wanye yum, un kuma u lun profeti ga, kpa Aôndo yô, nenge ér una fatyô u eren tom u profeti.

ITYOUGH 75

Mbayevnomso Unyiin ken Babilon

Yange ve za hemen u eren kwagh u vough, shin er i pav ve a icombor ve nahan kpaa.

ITYOUGH 76

I Tim Yerusalem

Er nan ve Aôndo yange de ér Mbababilon mba ve lu mbaihyomov mba Mbaiserael la ve tim Yerusaleme?

VEGHER U SHA 5

Mlu u ken Uikyangen ken Babilon zan zan M-maa u Girgar u Yerusalem

ITYOUGH 77

Ve Venda u Guren Inya

Aôndo yange yima agumaior a atar a ungwan imo ne ken atse a tseen kpishi la kpa?

ITYOUGH 78

Kwaghngeren sha Kpekpe

Profeti Daniel yange pase inja i asember agen anyiin.

ITYOUGH 79

Daniel Shin Ihungwa I Ubegha

Yange i kure Daniel ijir ér i wua un, kpa yange ma fatyô u palegh ku laa?

ITYOUGH 80

Ior Mba Aôndo Undu Babilon

Kwaghôron u profeti ugen yange kure sha Shirushi, Tor u Pershia, shighe u ngohol gar u Babilon hingir sha ikyev na, shi ngu kuren kwaghôron u profeti ugen hegen kpaa.

ITYOUGH 81

U Nan Jighjigh ken Iwasen I Aôndo

Mbaiserael yange ve per atindi a ior sha er vea er kwagh u Aôndo a kaa yô. Aôndo yange na ve iveren kpa?

ITYOUGH 82

Mordekai man Eseter

Torkwase Vaseti yange dooashe kpishi, nahan cii kpa Tor Ahasueru dugh un kera gema ver Eseter torkwase sha ityough nagh. Sha ci u nyi?

ITYOUGH 83

Girgar u Yerusalem

Shighe u i lu maan girgar la, gba hange hange u mbatomov mbara cii vea luun a usanker man awange a ve hanma shighe cii, tugh man atetan.

VEGHER U SHA 6

Mmar u Yesu zan zan Ku Na

ITYOUGH 84

Ortyom Va Maria Inya

Yange va a loho u Aôndo tindi yô, ér: Maria una mar wan u nana va lu tor gbem sha won yô.

ITYOUGH 85

I Mar Yesu ken Ityôruile

Yange er nan ve wan u i tsenga ôron ér una va lu tor je nahan, i za mar un hen ijiir i koson annyameva?

ITYOUGH 86

Ishan Tese Ior Gbenda

Ka an yange nan tese mbaahiriv gbenda u zan ape Yesu lu laa? Mlumun u sha mpin ne una kpiligh we iyol.

ITYOUGH 87

Wanakiriki Yesu ken Tempel

Yesu yange lu a ieren i mbaganden mba ve tesen ken tempel la je kpa i kpiligh ve iyol yô.

ITYOUGH 88

Yohane Er Yesu Batisema

Yohane yange lu eren mbaasorabo batisema, kpa Yesu yô er isholibo i môm ken uma na ga. Er nan ve Yohane yange er un batisema?

ITYOUGH 89

Yesu Wanger Tempel

Yesu yange tese imba dooshima u lu a mi ve ishima vihi un la.

ITYOUGH 90

Vea Kwase hen Kpejôr

Mngerem ma Yesu kaa ér una na kwase shon la ma a er nan ve imura ia kera kôr un mayange ga?

ITYOUGH 91

Yesu Tese sha Uwo

Zua a kwaghfan u wasen we gbem sha won ken Ityesen na i sha Uwo la.

ITYOUGH 92

Yesu Nder Mbakpenev

Er Aôndo na Yesu tahav yô, a ôr kwagh asember atar tseegh tsô maa wan u Yairu u kwase la nder shin ku.

ITYOUGH 93

Yesu Na Ior Kpishi Kwaghyan

Ka nyi i vesen Yesu yange tese sha kwaghyan u na ior udubu imôngo laa?

ITYOUGH 94

Á Soo Mbayev Mbakiriki

Yesu yange tese mbahenen nav ér akaa nga kpishi a vea fa sha kwagh u mbayev shi vea hen ken a ve kpaa yô.

ITYOUGH 95

Gbenda u Yesu Tesen La

Injakwagh i Orsamaria u wan ndor i Yesu ka ikyav i tesen gbenda u yange hemban tesen ior yô.

ITYOUGH 96

Yesu Bee Ior Angev

Uivande mba Yesu er la cii kure nyi sha kwagh na?

ITYOUGH 97

Yesu Va sha Inja I Tor

Yange ikpelaior i vesen kegh un gbenda, kpa lu ior cii kwagh shon doo ve ga.

ITYOUGH 98

Sha Uwo u Olev

Yesu yange tsenga ôron mbaapostoli nav mba unyiin akaa a a lu eren sha shighe wase ne.

ITYOUGH 99

Ken Kpoyou u Sha

Er nan ve Yesu yange kaa ér mbahenen nav ve yaan icighankwaghyan ne hanma inyomo?

ITYOUGH 100

Yesu ken Sule

Er nan ve Yuda yange tee Yesu sha u suswen un zwa?

ITYOUGH 101

I Wua Yesu

Shighe u i mande Yesu sha kon la, yange er ityendezwa sha kwagh u paradiso.

VEGHER U SHA 7

Mnder u Yesu zan zan M-wuhe u Paulu ken Gaadi

ITYOUGH 102

Yesu Ngu Uma

Yange ortyom menger iwen i sha zwa u uwar u Yesu la kera yô, kpiligh ushoja mba ve lu kuran u mbara iyol a kwagh u ve nenge a mi ker la.

ITYOUGH 103

Ken Iyou I Í Wuhe La

Shighe u i nder Yesu shin ku kera la, er nan ve mbahenen nav yange vea nenge a na ve fa or shon ga?

ITYOUGH 104

Yesu Kôndo Yem Sha

Cii man Yesu kôndo yem sha yô, yange wa ve tindi sha kwa u masetyô.

ITYOUGH 105

U Keghen ken Yerusalem

Yange er nan ve Yesu haa icighan jijingi sha mbahenen sha iyange i Pentekosti?

ITYOUGH 106

I Dugh Ve ken Gaadi Kera

Yange mbahemenev mba kwaghaôndo wuhe mbaapostoli ken gaadi ér ve de u pasen kwagh u Yesu, kpa Aôndo lu a kwagh u wa ishima u eren yô.

ITYOUGH 107

I Ta Sefanu Awen

Shighe u i lu wuan Sefanu la, a er msen u kpilighyol.

ITYOUGH 108

Sha Gbenda u Yemen ken Damaseku

Yange iwanger i pirin or ashe kua imo i i due sha yô na Saulu de uma u eren la.

ITYOUGH 109

Peteru Za Korneliu Inya

Aôndo nengen ior mba ken akuraior agen ér ve hemba gban kwagh a mba ken akuraior agenee?

ITYOUGH 110

Timoteu—Or u He u Wasen Paulu

Timoteu yange undu ya na za kohol Paulu ve yem zende u doon tsung u za pasen kwagh.

ITYOUGH 111

Wanakiriki u Yange Gba Mnyam La

Utiku yange gba mnyam hen shighe u Paulu lu lamen a anmgbianev ken kwaghôron na u hiihii la, lu hen shighe u lu lamen a ve ken kwaghôron na u sha uhar la ga. Kwagh u yange er hen atô u kwaghôron na u hiihii man u sha uhar la lu ivande.