VEGHER U SHA 6
Mmar u Yesu zan zan Ku Na
Yange i tindi ortyom Gaberiel hen iniunkwase i doonashe i i yilan i iti er Maria la. Yange kaa a na er una mar wan u una tema tor gbem sha won yô. Wan la, Yesu, yange i mar un ken ityôruile, hen ape mbakuranilev va sôr un la. Ken hemen yô, ishan i̱ hemen ior mba sha Ityoughkitaregh gbenda i̱ va a ve hen wanakiriki la. Se hen kwagh u or u yange nan na ve nenge a ishan la, man e̱r yange i war Yesu sha ikyev i mba ve nôngo sha u wuan un la yô.
U dondon yô, se zua a Yesu, shighe u a lu anyom 12 la, lu lamen a mbatesen ken tempel. Anyom 18 ken hemen yô i e̱r Yesu batisema, man a hii tom u pasen kwagh shi tesen kwagh u Tartor ú yange Aôndo tindi un shin tar ne er a̱ va er la. Sha u ve̱ wase un ken tom ne yô, Yesu tsua iorov 12 nahan a gema ve ve hingir mbaapostoli nav.
Yesu shi yange e̱r uivande kpishi. A koso ior udubu udubu sha ishu cuku kua ikpen bredi kpeghee tseegh. Yange bee mbauangev angev shi nder mbakpenev je kpaa shin ku. Ken masejime yô, se hen akaa kpishi a yange er Yesu sha iyange i masejime i uma na la, man shi e̱r yange i wua un la. Yesu yange pase kwagh kuma anyom atar man tiôn nahan, sha nahan yô Vegher u sha ATARATAR ne yisa shighe hemba anyom 34 nahan kpeghee tsô.
IN THIS SECTION
ITYOUGH 84
Ortyom Va Maria Inya
Yange va a loho u Aôndo tindi yô, ér: Maria una mar wan u nana va lu tor gbem sha won yô.
ITYOUGH 85
I Mar Yesu ken Ityôruile
Yange er nan ve wan u i tsenga ôron ér una va lu tor je nahan, i za mar un hen ijiir i koson annyameva?
ITYOUGH 86
Ishan Tese Ior Gbenda
Ka an yange nan tese mbaahiriv gbenda u zan ape Yesu lu laa? Mlumun u sha mpin ne una kpiligh we iyol.
ITYOUGH 87
Wanakiriki Yesu ken Tempel
Yesu yange lu a ieren i mbaganden mba ve tesen ken tempel la je kpa i kpiligh ve iyol yô.
ITYOUGH 88
Yohane Er Yesu Batisema
Yohane yange lu eren mbaasorabo batisema, kpa Yesu yô er isholibo i môm ken uma na ga. Er nan ve Yohane yange er un batisema?
ITYOUGH 90
Vea Kwase hen Kpejôr
Mngerem ma Yesu kaa ér una na kwase shon la ma a er nan ve imura ia kera kôr un mayange ga?
ITYOUGH 92
Yesu Nder Mbakpenev
Er Aôndo na Yesu tahav yô, a ôr kwagh asember atar tseegh tsô maa wan u Yairu u kwase la nder shin ku.
ITYOUGH 93
Yesu Na Ior Kpishi Kwaghyan
Ka nyi i vesen Yesu yange tese sha kwaghyan u na ior udubu imôngo laa?
ITYOUGH 94
Á Soo Mbayev Mbakiriki
Yesu yange tese mbahenen nav ér akaa nga kpishi a vea fa sha kwagh u mbayev shi vea hen ken a ve kpaa yô.
ITYOUGH 95
Gbenda u Yesu Tesen La
Injakwagh i Orsamaria u wan ndor i Yesu ka ikyav i tesen gbenda u yange hemban tesen ior yô.
ITYOUGH 97
Yesu Va sha Inja I Tor
Yange ikpelaior i vesen kegh un gbenda, kpa lu ior cii kwagh shon doo ve ga.
ITYOUGH 98
Sha Uwo u Olev
Yesu yange tsenga ôron mbaapostoli nav mba unyiin akaa a a lu eren sha shighe wase ne.
ITYOUGH 99
Ken Kpoyou u Sha
Er nan ve Yesu yange kaa ér mbahenen nav ve yaan icighankwaghyan ne hanma inyomo?