Er u hen akaa a Bibilo i tese ne ve u hemba zuan a kwagh u wasen we yô
Hen vea or u nana wase u yô: Ôr or u nan ne u antakeda ne la wer nana hen Bibilo a we, gayô tindi se a loho hen ijiir yase i sha Intanet i jw.org la.
VEGHER U HIIHII
Ôr hanma hwange kua mbampin mba i nger i ile (A) la, man avur a Bibilo (B) a a tese atôakaa a vesen a i lu lamen sha mi la. Shi avur a Bibilo agen yô, i nger her ér “ôr.”
VEGHER U HEN ATÔ
Kwagh u ka i hii ôron (C) sha ajiir a i nger ér Hen Kwagh i Za Shimi la, ka a pase akaa agen a i gbe u a lam sha mi yô. Atineakaa a kiriki (D) a ken hanma ityough ka a tese atôakaa a vesen a i lu u a lam sha mi ken ityough kira yô. Ôr avur a Bibilo, shi na mlumun sha mbampin, shi nenge uvidio (E).
Kenger hanma foto tsembelee shi ôr ngeren u pasen un (F), shi hen sha mlumun u u na sha mpin u i pine sha ajiir a i nger ér Ior Mbagenev Ka Ve Kaa Ér (G) la.
VEGHER U MASETYÔ
Ajiir a i nger ér Ka Nyi U Hene? man Mbampin mba Umbur Kwagh u I Hen Yô (H) la di kape kuusu kwaghhenen u ken ityough ki u lu henen la. Hanma shighe u u hen ma ityough u bee yô, nger werayange. Ajiir a i nger ér Kwagh u U Er Yô (I) la pase kwagh u u er ve u za hemen u henen kwagh shi eren sha kwagh u u hen la yô. Ajiir a i nger ér Seer Henen Kwagh (J) la di tese ityakeda shin uvidio, sha er u tsua kwagh u u soo la u ôr shin u nenge yô.
Er u zua a ivur shin avur a Bibilo a i soo u ôron la yô
Ka i hii ngeren takeda u Bibilo (A), maa i nger ityough ki takeda (B) shon, maa i mase ngeren ivur shin avur (C) a i soo u ôron la. Ikyav i tesen yô, aluer i nger ér Yohane 17:3 yô, ka takeda u Yohane, ityough 17, ivur 3.
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
