SHA ayange a utor mba ken Iserael man Yuda la, uicighanmbaiorov mbagenev ôr ior ilyoho i Aôndo. I yilan ve ér uprofeti. Ve lu nomsombaiorov mba lun a jighjigh u nan taveraa man mba taver asema mba ve yôôn akaaôron a Aôndo yô. Nenge ase atôakaa a injaa anyiin a uprofeti mba Aôndo ôr kwagh sha mi ne.

1. Mtim u Yerusalem. Uprofeti mba Aôndo, hemban cii je yô, Yesaia man Yeremia yange ve hii u tan ior icin tsuaa je ér a va tim Yerusalem, una hingir ice. Yange ve pase vighe vighe er i hii ve ishima i vihi Aôndo a gar la yô. Ior mba ken gar la yange ve senge ér ve mba civir Yehova, kpa ve lu civir un sha mimi ga sha ci u aeren a ve a ukwaghaôndo mba aiev man hôngor ve kua ipila ve la.—2 Utor 21:10-15; Yesaia 3:1-8, 16-26; Yeremia 2:1–3:13.

2. A hide a ver mcivir u mimi. Yange gba u ior mba Aôndo vea tsa ken Babilon anyom 70, anyom la aa been cii yô, vea due ken tar la kera, vea hide ken tar ve u ú hingir ice la, vea va maa tempel u Yehova ken Yerusalem. (Yeremia 46:27; Amoshi 9:13-15) Yesaia yange tsenga yilan iti i kurutya u una tim Babilon la er anyom 200 nahan ken ijime. A yila iti na ér Shirushi, shi a kaa ér kurutya ne una na ior mba Aôndo ian vea hide vea za hii mcivir u mimi. Yesaia shi pase gbenda u kpilighyol u Shirushi una hemba gar u Babilon ityav yô.—Yesaia 44:24–45:3.

3. Mve u Mesiya man akaa a aa er un la. A mar Mesiya ken gar u Betelehem. (Mika 5:2) Una lu or u hiden a iyol ijime shi una henda jaki una nyôr ken Yerusalem. (Sekaria 9:9) Shin er una lu or u ayôôso ga shi una eren erdoo a ior nahan kpa, una za gwa ga, shi ior kpishi vea lumun un ga. (Yesaia 42:1-3; 53:1, 3) Una kpe ku u nyoon tsung. Nahan kwagh na una bee hen shighe laa? Ei, gadia lu u nagh ku Mesiya una na la kua bugh gbenda u den ior kpishi asorabo a ve. (Yesaia 53:4, 5, 9-12) Nahan lu a nder un shin ku keng ve, nagh nav kura kua wase ior ye.

4. Mesiya una tema tor sha tar. Uumace mba ve lu vough ga ne mba fetyô u hemen ayol a ve ken bem ga, kpa i yila Tor Mesiya ér Wantor u Bem. (Yesaia 9:6, 7; Yeremia 10:23) Shighe u Mesiya una hemen la, uumace cii vea lu bem bem ayol a ve, shi vea lu ken bem a inyamtoho je kpaa. (Yesaia 11:3-7) Angev mbua kera lu ga. (Yesaia 33:24) Ku je kpa, a tim u sha won kera. (Yesaia 25:8) Shighe u Mesiya una tema tor la, mbakpenev kpaa a nder ve, vea hide a lu uma shin tar.—Daniel 12:13.

—I zua a kwagh u i nger heen ne ken takerada u Yesaia man Yeremia man Daniel man Amoshi man Mika man Sekaria.