Ken vegher ne, se nenge er yange ikpelaior i toron asema i ta num sha Paulu, shi i wuhe un ken purusu acin imôngo kpa wa ishima, man er yange paase jighjigh na iyol sha ishigh ki mbahemenev mba Mbaroma kposo kposo yô. Er yange tagher a mbamtaver mban nahan kpa, a za hemen u eren shiada sha kwagh u Tartor u Aôndo. Er u lu henen sha akaa a dedoo a a lu ken mkur u takeda u Aerenakaa ne la, pine iyol you wer, ‘Me er nan ve me dondo ikyav i orivangeli u lu a gbashima shi taver ishima nee?’