Yange Mbaiserael per Zegemnger u Nyian iwer ngi karen ihiar yô, ve va nyôr hen Uwo u Senai. Ka her Yehova ya ikyur a Mbaiserael ér ve lu icighan ikyurior na ye. Yange kura ve shi na ve akaa a kwagh gba ve a mi la cii​—⁠yange na ve mana ér ve yaan, shi kura akondo a ve ande ga, shi na ve ijiir i vea haa afo kpa kwagh a er ve ga yô. Aluer u ngu ormaren yô, wase wan wou nana kav er i hii ve Yehova yange na Mbaiserael Atindi, man tabernakel kua upristi yô. Pase nan wang er i hii ve i lu hange hange u eren kwagh u se tôndo zwa la, man u hiden a iyol ijime, shi civir Yehova sha mimi hanma shighe yô.