Ka u umbur er yange wea lu vea ior mba Yehova imôngo ve i saan we iyol la kpa? U tesen ikyav yô, ka u umbur er yange wea za ma mkombo u tiônnongo ve u zua a ishimataver, shin wea za ma mkohol u vesen ve i saan we iyol shin wea due kwaghpasen ve u zua a kwagh u doon we ker, shin wea lam vea ma anmgbian ve i kundu u iyol la kpa? U ngu umbur Yehova her, shi un kpa ngu umbur we her. Ngu a umbur er yange u civir un sha mimi nahan. A kegh iyol u wasen we u hiden hen a na.

Yehova kaa ér: “Mo iyol Yam, Me ker iyôngo Yam man Me tôv i hwange. Er orkuranilev ka nan tôv ikyumuile i nan sha iyange i nan lu ker atô u iyôngo i nan i i sambe i wue wue la, kape Mo kpaa Me tôv iyôngo Yam; Me yima i ken ajiir a i sambe i la cii” je la.​—Esekiel 34:11, 12.