Kwagh u Yesu Er Yô

Ka Nyi Se Hen ken Ikyav i Yesu Nee?

2. Gba u se lamen a mba se henen Bibilo a ve la kundu kundu, kpa se ôron ve kwagh wang sha er se wase ve u yan ijende a Yehova yô.

 Dondo Ikyav i Yesu

3. Wase mba u henen Bibilo a ve la ve tsua akaa a vea er yô shi ve er a.

1.    Er tom a vegher u “Kwagh u u er yô” u ken hanma ityough ki takeda u U Fatyô u Lun Uma Gbem sha Won shi a Saan We Iyol! la.

2.   Wase or u u henen Bibilo a nan la nana fa kwagh u una wase nan u eren akaa a nan we ishima u eren ave ave man aa nana er ken hemen la.

3.   Wuese or u u henen Bibilo a nan la hanma shighe er nan lu nôngon yô.

4. Fa akaa a a lu yangen nan u vesen ken jijingi la, nahan wase nan u nôngon a akaa shon.

1.    Pine iyol you wer:

   • ‘Ka nyi i lu yangen or u m henen Bibilo a na ne u eren batisema?’

   • ‘Ka nyi me er sha u wasen unu?’

2.   Sôn Yehova a na u ishimataver sha er u ôr or u u henen Bibilo a nan la kwagh u i gbe u nana er la kundu kundu a ashe a cian shio yô.

5. Aluer nan ngu vesen ken jijingi ga yô mem kwaghhenen la.

1.    Pine iyol you mbampin mban sha er u fa aluer kwagh u injaa ngu duen ken kwaghhenen la yô:

   • ‘Or u m henen Bibilo a na ne ngu eren akaa a a lu henen la kpa?’

   • ‘Ngu zan mbamkombo mba tiônnongo shi pasen mbagenev mimi u a lu henen ne kpa?’

   • ‘Ne hen kwagh shighe kar nahan sar un u hingir Orshiada u Yehova kpa?’

2.   Aluer orhenen Bibilo nan ngu vesen ga yô:

   • Ôr nan nana hen sha kwagh u alaghga a lu yangen nan u vesen yô.

   • Ôr nan ityôkyaa i u lu memen kwaghhenen la sha kwaghfan.

   • Ôr nan kwagh u nana er ve ne hide ne hii u henen kwagh yô.