U HIIN ILIAM A OR
ITYOUGH 3
Tesen Erdoo
Kwaghwan: “Dooshima . . . tesen erdoo.”—1 Kor. 13:4.
Kwagh u Yesu Er Yô
1. Nenge VIDIO ne, gayô ôr Yohane 9:1-7. Maa time sha mbampin mba ve dondo ne:
-
Yesu yange vande bughun or la ashe shin vande pasen un loho u dedoo?—Nenge Yohane 9:35-38.
-
U hen wer gbenda u Yesu er kwagh a orapirashe la yange u na un hemba keghen ato a loho u dedoo sha ci u nyi?
Ka Nyi Se Hen ken Ikyav i Yesu Nee?
2. Aluer or fa ér kwagh u nan gba se ishima yô, nana hemba keghen ato aa loho wase.
Dondo Ikyav i Yesu
3. Fa er i lu nan la. Nôngo u fan er i lu nan ken ishima la.
-
Pine iyol you wer: ‘Ka nyi i lu zan nan iyolo? Ka nyi ia wase ia doo nan shi ia wase nana?’ Aluer u er nahan yô u hemba tesen or erdoo sha mimi.
-
Kegh ato ungwa kwagh u nan lu ôron la. Aluer u er nahan yô u tese wer kwagh u nan gba u ishima. Aluer nan ngu ôron we mnenge u nan sha ma kwagh shin nan ter ma kwagh u a lu zan iyol yô, de undun kwagh u nan la za ôron ugen ga.
4. Lam kundu kundu man sha icivir. Aluer mhôônom kôr u a or sha mimi man u soo u wasen nan kpa a tese sha iliam you. Nahan lamen sha kwaghfan, shi de ôron akaa aa vihi nan ga.
5. Wasen ior. Keren aan a u er kwagh jighilii u una wase nan yô. Aluer se er a or doo doo yô, nana hemba keghen iyol u lamen a vese.
