Se sugh u er u tee shighe u er antakerada ne wer ú fa ior mba ve lu Mbashiada mba Yehova la kua ityom ve shi u fa er nongo ve u eren kwagh yô. Se na jighjigh ser antakerada ne wase u u̱ fan er se lu ior mba ve eren ishima i Yehova nyian yô. Se mba taver we ishima ser za hemen u zuan a mfe u Aôndo, shi tese hanma or hen tsombor wou man azende a ou kwagh u ú lu henen la, shi kohol a vese imôngo ken mbamkombo asev mba Mbakristu la hanma shighe cii.​—Mbaheberu 10:23-25.

Aluer u ngu henen kwagh u Yehova seer yô, u hemba nengen er u doo un ishima sha mimi yô. Kwagh ne una mgbegha u u eren kwagh u u fetyô cii sha u tesen un wer a doo u ishima. (1 Yohane 4:8-10, 19) Kpa u fatyô u tesen wer Yehova doo u ishima ken akaa a u eren ken uma wou ayange ayange la nena? Hii nan ve u̱ kuran atindi a na a sha kwagh u aeren a wang la i lu sha ci u mkpeyol wouwe? Man ka nyi ia wase u ve a sar u u̱ eren ishima i Aôndo a vese imôngo? A doo or u nan henen Bibilo a we la kpishi u keren mbamlumun sha mbampin mban vea we imôngo sha er we man tsombor wou ne ‘lu ken dooshima u Aôndo.  . . [a ishima i veren keghen] uma u tsôron’ yô.—Yuda 21.

Se mba taver we ishima ser hen takerada u i tese heen ne, nahan za hemen u vesen ken mfe u mimi. ‘Lu Nen ken Dooshima u Aôndo’