VEGHER U SHA 3
Gbenda u Sôron Zayol
“Doo nen ayol a en sha gbashima je gadia dooshima cirin asorabo kpishi.”
Zum u ú er ivese yô, mbamzeyol kposo kposo vea fatyô u duen hen atô wou vea or u ú vese la. Alaghga a lu sha ci u gbenda u ne henen kwagh shi ne eren kwagh la kaha. Shin alaghga a lu mbagenev shin akaa a a er ne aburabur yô, aa na zayol a lu hen atô wen ye.
Alaghga u nenge wer gba u a lu nahan ga, nahan u soo u yevese zayol shon; kpa Bibilo wa se kwagh ér se nengen sha mbamzeyol asev. (Mateu 5:
1 LAM NEN SHA ZAYOL U A LU NE INYA LA
KWAGH U BIBILO I KAA YÔ: “Shighe u lamen” ngu. (Orpasenkwagh 3:
Aluer u ngu vendan a venda kwagh a nomou shin kwase wou je kpa, kwaghôron wou a doo, mayange de hungur u tesen un dooshima shi nan un icivir ga. (Mbakolose 4:6) Nôngo sôr nen zayol wen la fese, shi de yuen nen ayol a en ga.
KWAGH U Ú FATYÔ U EREN YÔ:
-
Ker nen shighe u dedoo lam nen sha zayol wen la
-
Zum u nomou shin kwase wou a lu ôron kwagh yô, a sôô u ken ishima nan nan kpa de tende un iliam sha zwa ga. A va gba sha we tsô u lam
2 UNGWA KWAGH U NOMOU SHIN KWASE WOU A LU ÔRON LA
KWAGH U BIBILO I KAA YÔ: “Doo nen ayol a en tsung sha dooshima, hemen nen sha u nan ior icivir.” (Mbaromanu 12:10) Gbenda u ú keghen ato la ngu hange hange. Nôngo fa mnenge u kwase wou shin nomou, shi tese wer u ngu ‘orzungwenmhôônom . . . shi hiden a iyol ijime.’ (1 Peteru 3:8; Yakobu 1:19) De keghen ato sha atseregh ga. De kwagh u ú lu eren la, aluer gba keng keng yô, nahan kegh ato a kwase wou shin nomou, gayô kaa a na wer a er tsô ne lam. Aluer u nenge kwase wou shin nomou wer ka or u wasen we, ka or u hendan a hendan a we ga yô, u “nyoon ishima fefa ga.”
KWAGH U Ú FATYÔ U EREN YÔ:
-
Aluer kwagh u nomou shin kwase wou a lu ôron la doo u ga je kpa, kegh ato a ishima i gbar gbar
-
Ungwa kwagh u kwase wou shin nomou a lu ôron la tsura. Ver ishima sha ikyenge na, man er a lu lamen eren la
3 ER NEN KWAGH U NE GBE ZWA MÔM SHA MI LA
KWAGH U BIBILO I KAA YÔ: “Hanma tom u nyoon iyol ngu a mtser, kpa u lamen sha zwa yô, ka a na mban u akaa tsô.” (Anzaakaa 14:23) U gban zwa môm sha kwagh u a hembe doon u ne er la tseegh kuma ga. Gba u ne er kwagh u ne gbe zwa sha mi la. A gba u ne nôngo kpoghuloo ve ne kôrcio u eren kwagh ne ye, kpa iniôngon yen la ia saa ishe ga. (Anzaakaa 10:4) Aluer ne mba eren kwagh ken mzough yô, ne zua a “injar i dedoo” sha tom wen u sha ican la.
KWAGH U NE FATYÔ U EREN YÔ:
-
Tsua nen kwagh u hanmô wen nana er ve ne fatyô u sôron zayol wen yô
-
Gbidyen nen kwar sha ashighe ashighe, nengen nen mzehemen wen
